I Petros 4:11 - Ashiri Aeuitaknup Iyohaichish Yona 1897

¹¹ uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

I Petros 4:11 ပူးပေါင်းရင်းမြစ်များ

Iyohaichish 145:13

E koro moshiri anak ne ramma pakno an, Orowa, E koro esapane kuni mondum anak ne otusashuishiri pakno epa ruwe ne.

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Yoannes 13:31

Orowa, shinuma soine wa isam chiki Yesu ene itak-hi :— Tane anak ne Ainu Poho aeoripak ruwe ne, orowa, Kamui anak ne Shinuma otta aeoripak an na;

Apostoro ikip oma kambi 7:38

Tan guru anak ne Sina nupuri kata otta ye hauturumbe tura hene, chikoro ekashi utara tura hene, nup otta an uwe-kari ta an gunʼne; un otta koropare kuni ne shinuma anak ne ishu shongo akore nisa:

Roma 11:36

Inambe gusu ne yakun, Shinuma orowa, Shinuma gusu, Shinuma otta obitta no okaibe okai ruwe ne na. Otusashuishiri pakno ne yakka Shinuma otta arakuru an na. Amen.

Roma 12:3

Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

Roma 16:27

Yesu Kiristo gusu patek wayashnu Kamui otta, Shinuma otta otusashuishiri pakno nupeki an na. Amen.

Roma 3:2

Nekon a ka porop ne: hoshiki no nei utara Kamui shongo ashikkashimare nisa ruwe ne.

I Korintos 10:31

Tambe gusu echi ibe hene ki iku hene ki nep ne yakka echi ki a yakka, obitta no Kamui

I Korintos 12:4

Aeikrap anak ne usaine okai koroka, une no an Ramat ne.

I Korintos 3:10

En koropare an Kamui irenga nei no kuani anak ne wayashnu chisei kara esapane guru korachi asamaha ku ande nisa, aige, nei kashiketa moshima guru iki wa kan ruwe ne. Koroka, utara pishno hemanda nei kashiketa iki wa kara ya yairamatte yan.

I Korintos 6:20

oro ani echi ahok okere ruwe ne gusu ne na: tambe gusu echi kon netobake otta an Kamui ko-oripak yan.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 9:13

nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

Epesos 1:19

orowa, eishokoro wa okai chi utara gusu Shinuma Kiristo otta okirashnu an kiroro yupu wa iki Shinuma shi no poro kiroro echi eramande

Epesos 4:29

Echi paro wano iteki wen itak sange yan, koroka, nu utara otta irenga an kuni gusu eashkai pakno wayashnure pirikap sange yan.

Epesos 5:20

ramma nep ne yakka gusu chikoro Utarapa ne Yesu Kiristo kon reihei ankushkerai akoro Michi ne Kamui otta koyaiiraige ki;

Epesos 6:10

Tewa no, Utarapa newa Shinuma koro kiroro oina tumashnu ambe gusu aeyaitumashnure no okai yan.

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Piripoi 2:11

samata, obitta no okai parumbe anak ne Michi ne Kamui nupeki gusu Yesu Kiristo anak Utarapa ne sekoro eyaipushi kuni hemhem ki ruwe ne gusu ne na.

Korosai 4:6

Nekon a katu ani pishno an guru orun koese kunip ne ya sekoro echi eraman kuni ne, ramma kane echi ye itak irenga tura asange wa shippo eomare yan.

I Tessaronike 2:4

koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.

I Timoteos 1:17

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

I Timoteos 6:16

Shinuma patek shomo rai-ambe koro hine otta karange no arapa eaikap shiripekere ta oshiroma ruwe ne; inan guru ne yakka naa shomo Shinuma nukara, samata, Shinuma nukara eaikap ruwe ne; Shinuma orun otusashuishiri wano otusashuishiri pakno an aainukorobe newa kiroro an na. Amen.

Titus 2:1

Koroka, eani anak ne nei nisashnu an epakashi kopakeatbe ye yau:

Titus 2:15

Ikashpaotte an korachi tap okaibe ye hemhem ki, onishnishi hemhem ki, pakashnu hemhem ki yan. Inan guru ne yakka iteki e pange kuni ne ki yan.

Hebraios 13:7

Echi epungine utara, Kamui itak echi orun ye utara eshkarun yan; orowa, nei utara ene moshiri koapkash wa ikichi ambe esanniyo hine, koro eishokor-i koikara yan.

Hebraios 5:12

Inambe gusu ne yakun, pakihi gusu echi utara anak ne moshima utara epakashnu kuni gusu an utara echi ne kunip ne, awa, Kamui orushpe gusu an iyotta atpake an ap koro isaika ambe aepakashnu wa eyaihannokkara kuni utara echi ne; aige, nishte aep shomo ne no an tope eishiramne utara echi ne okere ruwe ne.

Yakob 1:19

Ku omap an iriwak utara, onnere yan. Koroka, pishno an guru anak ne nu gusu chashnu, itak gusu moire,

Yakob 1:26

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.

I Petros 4:10

uweutashpa ikateonrare yan: echi utara pishno pishno aikrap akore an nei no, Kamui inne no okai irenga gusu pirika no okai ashikkashimare utara korachi,

I Petros 4:16

koroka, Kiristian gusu nenka ayairamshitnere chiki, iteki yainikoroshma yan; koroka tan reihei an gusu Kamui ramye yan.

I Petros 5:11

Shashuishiri wano shashuishiri pakno Shinuma otta kiroro an na. Amen.

Youdas 1:25

chikoro Utarapa ne Yesu Kiristo gusu patek chikoro un kashiobiuki Kamui orota nupeki newa, pase ambe newa, kiroro newa, nrondum kane, paki-i etoko ne yakka, tane ne yakka, shashuishiri pakno ne yakka an kuni akoramkon na. Amen.