I Petros 3:8 - Ashiri Aeuitaknup Iyohaichish Yona 1897

⁸ Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

I Petros 3:8 ပူးပေါင်းရင်းမြစ်များ

Iyohaichish 103:13

Michihi anak ne koro poho utara chishikiraine korachi, Ehoba anak ne Shinuma koishitoma utara chishikiraine ruwe ne.

Mattaios 18:33

kuani e erampokiwen wa kore korachi eani ne yakka tura auitek guru otta erampokiwen wa kore kusu ne ap shomo ne ruwe he an? sekoro itak.

Roukos 10:33

Koroka, Samaria kotan un guru shinen payekai hine nei guru an ushiketa ek; awa, shinuma nukara chiki erampokiwen wa kore,

Apostoro ikip oma kambi 2:1

Orowa, Pentekoste toho tane auweomare shiri an ita anak ne, nei utara obitta shineanda uwekarapa wa okai.

Apostoro ikip oma kambi 27:3

Nei shimge toho ta Sidon kotan ta akoshirepa ash: Yurios anak ne Pauros eramuhauge wa koro hine koro katairotke utara hotanukara wa yaieashirikara kuni ramuoshma nisa ruwe ne.

Apostoro ikip oma kambi 28:7

Nei ushike samaketa Poprios ari an reihei koro nei rep-un-shiri un shine pase guru kot toi an ruwe ne; awa, nei guru anak ne un uk wa rereko uturuta un shopki nisa ruwe ne.

Apostoro ikip oma kambi 4:32

Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na.

Roma 12:10

Wenbe etunne wa pirikap otta ko-an. Iriwak utara ko-omap wa uwe-eramuhaugere yan; aainukoro wa uwe-eoripak yan;

Roma 15:5

Echi utara anak ne shine ikinne shine paroho ani chikoro Utarapa ne Yesu Kiristo koro Michi ne Kamui koiramye kuni ne, yaiyupupu ambe newa omaoma ambe koro Kamui anak,

I Korintos 1:10

Iriwak utara, echi utara obitta shine itak sange, aige, echi tumugeta utumkush keutum isam kuni ne, chikoro Utarapa ne Yesu Kiristo kon reihei ankushkeraipo echi onishnishi ash ruwe ne; koroka, echi utara shine keutum koro, aige, shine esanniyop ki hine ukoiram no aeramushinnere gusu aki na.

I Korintos 12:26

Shui, shine awehe ramushitne yakun, obitta no okai awehe tura no ramushitne ruwe ne; orowa, shine awehe airamye yakun, obitta no okai awehe tura no nupetne ruwe ne.

Epesos 4:2

orowa, gusu echi atak wa okai atak ambe kopakeot no apkash hene ki,

Epesos 4:31

Obitta no okai iporo-shiube hene, kinrakarabe hene, irushka ambe hene, irambotarare ambe hene, koatcha ambe hene, obitta no okai wenbe tura oyakta ande yan:

Epesos 4:32

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.

Piripoi 2:3

nep ne yakka echi ki ita anak ne sakayo newa yaiomonnure gusu iteki ki yan, koroka, keutum yaieoripakka wa moshima okai utara anak ne yaikota kasu no pirikap ne sekoro pishno pishno esanniyo yan;

Piripoi 3:16

ouse pakno shirepa ash okere-hi gusu nei no korachi apkash ashro.

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

Hebraios 13:1

Iriwak utara koomap ambe ramma-kane an kuni ki yan.

Yakob 2:13

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

Yakob 3:17

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

Yakob 5:11

Ingarʼan, yaishiporore ki a utara anunuke ne sekoro chi ye: Yob ki yaishiporore ambe echi nu nisa, orowa, Utarapa anak ne chishildraine ani aeshik wa rampoken kore Utarapa ne sekoro echi nukan nisa ruwe ne na.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:17

Obitta no okai utara ko-oripak yan. Iriwak ne utara omap yan. Kamui koishitoma yan. Ahekote nishpa ko-oripak yan.

I Petros 5:5

Samata, echi okai upeure utara, ekashi otta koitaknu yan. Ruwe un, echi utara obitta uweutashpa ukoyaishieiwangere gusu oripak ambe ani yai koshaye wa okai yan: inambe gusu ne yakun, Kamui anak ne shiokunnure utara eshishi, koroka, oripak an utara otta irenga sange wa koropare ruwe ne gusu ne na.

II Petros 1:7

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

I Yoannes 3:14

Chi utara anak ne iriwak utara omap gusu rai-i orowa no paye wa ishu-i otta ahup ash nisa ari an ambe chi eraman ruwe ne. Shomo omap ki gurʼanak ne rai-i otta riya ruwe ne.