Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne.
Koroka, aokai anak ne nekon a e yainu ya chi nu rusui; inambe gusu ne yakun, tan epakashi oma utara gusu anak ne nei ita ne yakka wen no aye ambe ne ruwe ne gusu ne na, ari itak.
Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.
ku e ikashpaotte ash na; aotke-otke shomo ne an keutura ani korachi eishokor-i atte yan; sereke okai utara anak ne nei ambe epeka eyaikoemaka hine eishokor-i gusu mimam-awende okere ruwe ne:
Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:
Tokap ne yakka kunne ne yakka echi nukan rusui hine okere shomoki no ramma echi eshkarun wa ku inonno-itak, aige, ku goro ekashi utara wano aotke-otke shomo ne an keutum ani otta ku yaishieiwangere Kamui ku yaiiraige na,
yaikatanu, pakekoshne eaikap nisashnu itak sange yan; tambe anak un epeka shomoki utara, un gusu sange wen itak isam no, yainikoroshma kuni gusu nep ne na.
Un gusu inonno-itak ki wa un kore: chi utara anak ne oheuge keutura sak wa nep ne yakka gusu oupeka no moshiri koapkash rusui ruwe ne sekoro chi ramu ash ruwe ne gusu ne na.
shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?
Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.
nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;