I Petros 3:10 - Ashiri Aeuitaknup Iyohaichish Yona 1897

¹⁰ Inotu omap wa, Pirika toho nukan rusui gurʼanak ne, Wenbe wano koro parumbe eshishire, Koro patoi iteki irarabe ye kuni kara yan:

I Petros 3:10 ပူးပေါင်းရင်းမြစ်များ

Iyohaichish 106:5

E koro anumge utara aepirikare ambe ku nukara hemhem ki, E koro uirup yainuchattek-hi ku enupetne hemhem ki, E koro eikeshkoro utara tura iramye hemhem ku ki kuni ne en eshkarun wa en kore.

Iyohaichish 27:13

Shiknu pito moshiri kata, Ehoba pirika ambe ku nukara kuni shomo ku eishokoro yak anak humi!

Iyohaichish 49:19

Te wa no shui shiripekere shomo nukara, Koro ekashi ikiri orota ek kusu ne na.

Mattaios 19:17

Orota Shinuma ene itak-hi :— Hemanda gusu pirika ambe gusu En orun uwepekennu ruwe he an? Pirika guru shinen an: koroka eani ishu-i orun ahun rusui chiki, ikashpaotte shikkashima yan.

Markos 8:35

Inambe gusu ne yakun, kon ramat shiknure kuni esanniyo gurʼanak ne nei ambe turainu kusu ne: orowa, Ku rengap gusu hemhem pirika shongo rengap gusu hemhem kon ramat turainu gurʼanak ne, nei ambe shiknure kusu ne gusu ne na.

Yoannes 1:47

Orota Natanaeru ek shiri Yesu nukara chiki, shinuma epeka no ene itak-hi :— Ingarʼan, keutumuta irara sak son no Israeru un guru an!

Yoannes 12:25

Kon ramat omap gurʼanak ne nei ambe turainu ruwe ne; orowa, tap moshiri kata an wa kon ramat etunne gurʼanak ne ramma okere shomoki ishu-i otta nei ambe shikkashima kusu ne.

Yakob 1:26

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

I Petros 2:1

Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;

I Petros 2:22

Shinuma anak ne katpak seenne ki, koro paro otta kokandama ambe ne yakka anukara shomoki nisa ruwe ne:

Ekambakbe 14:5

Orowa, nei utara koro paroho oshiketa shunge shomo anukara; turu-sak utara ne ruwe ne na.