I Petros 3:1 - Ashiri Aeuitaknup Iyohaichish Yona 1897

¹ Tap korachi, machi ne echi utara, yaikota koro hoku otta itaknu yan: nei utara poka itak otta ko-nu shomoki no,

I Petros 3:1 ပူးပေါင်းရင်းမြစ်များ

Mattaios 18:15

Orowa, e koro iriwak anak ne e epeka no chikokatpak an chiki, e oman wa tun patek echi an ita otta nure; e ye itak nu chiki, eani anak ne koro iriwak epirika ruwe ne.

Roma 10:16

Koroka, nei utara obitta anak ne pirika shongo otta shomo inu. Awa, Isaya ene itak-hi :— Utarapa, chikoro shongo eishokoro guru nen ne ruwe he an? sekoro itak.

Roma 6:17

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

Roma 7:2

Hoku koro shiwentep anak ne koro hoku shiknu wa an rapoketa shinuma tuitak ani atupe wa an; koroka, nei hoku rai chiki, koro hoku tuitak orowa no ahonnere ruwe ne.

I Korintos 11:3

Koroka, pishno an guru koro esapanep anak ne Kiristo ne sekoro echi eraman kuni ku kon rusui; mat-ainu esapanep anak ne okkai ainu ne; Kiristo esapanep anak ne Kamui ne ruwe ne.

I Korintos 14:34

Karisia onnaigeta shiwentep anak ne mo no an yak pirika: nei utara ye kuni shomo aeramuoshma, koroka, tuitak ta aye-hi korachi, nei utara aitaknurere yan ari an ambe an ruwe ne gusu ne na.

I Korintos 7:16

Machihi, eani anak ne e koro hoku kashiobiuki kusu ne ya nekon a e eraman ya? Shui, hokuhu, eani anak ne e koro machi kashiobiuki kusu ne ya nekon a e eraman ruwe he an?

Epesos 5:33

Yakka, echi utara pishno yaikota yaiomap korachi yaikota koro machi omap yan; orowa, machi ne guru anak ne koro hoku ko-oripak yan.

Korosai 3:18

Machi ne utara, Utarapa gusu kopakeat kuni ne echi koro hoku otta koitaknu yan.

Korosai 4:5

Soita okai utara epeka pakihi kikiraye korachi wayashnu no apkash yan.

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

Hebraios 11:8

Eishokor-i an gusu Abraham anak ne anishuk ita, aeikeshkoro kuni ushike orun arapa kuni koitaknu nisa; awa, nei oro arapa ya eramushkare no shinuma oman nisa ruwe ne.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 3:2

nei itak sak no an a yakka, echi puri pirikap ne oripak ambe nukara hine, koro machi ki buri ani aitaknure kuni gusu ne na.

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.

I Petros 4:17

Inambe gusu ne yakun, Kamui kora kenru ta akoipishi heashi kuni pakihi anak ne an; aige, hoshiki no un gusu aheashire chiki, Kamui pirika shongo koitak-nu shomoki utara okesehe anak ne nekon a ambe ne kusu ne ya?