I Petros 2:22 - Ashiri Aeuitaknup Iyohaichish Yona 1897

²² Shinuma anak ne katpak seenne ki, koro paro otta kokandama ambe ne yakka anukara shomoki nisa ruwe ne:

I Petros 2:22 ပူးပေါင်းရင်းမြစ်များ

Iyohaichish 34:13

Wenbe gusu koro parumbe shikkasbima, Shunge itak gusu koro papush ukotukka yan.

Mattaios 27:19

Orowa, pirato koipishi set kata a shiri an rapoketa, koro machi teshkara wa orota ene yere-hi :— Nei oupeka ainu iteki ekottanu yan, kuani anak ne tan to wendarap ku ki wa nei guru rengap gusu poron no ku yairamkoiki nisa ruwe ne gusu ne na, ari an itak ani itakte nisa ruwe ne na.

Mattaios 27:4

aine, ene itak-hi :— Katpak koro shomoki ainu ku ekoshi, awa, katpak ku ki nisa ruwe ne, sekoro itak. Koroka, otta nei utara ene ye-hi :—

Roukos 23:41

Chi utara anak ne oupeka no apanakte wa an, chikoro ki buri gusu an akore kunip chi uk ruwe ne: koroka, tan guru anak ne nep oheugep ne yakka ki shomoki nisa ruwe ne, ani itak.

Roukos 23:47

Orowa, hetuku okaibe nei tumi-koro utara esapane guru nukara chiki, Kamui kooripak wa ene itak-hi :— Son no newa tan guru anak ne oupeka guru ne ruwe ne, sekoro itak.

Yoannes 1:47

Orota Natanaeru ek shiri Yesu nukara chiki, shinuma epeka no ene itak-hi :— Ingarʼan, keutumuta irara sak son no Israeru un guru an!

Yoannes 8:46

Echi utara tumugeta katpak an sekoro En esanniyo guru anak ne nen ne ruwe he an? sonep Ku ye yakun, hemanda gusu echi En eishokoro shomoki ya?

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

I Yoannes 2:1

Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

I Yoannes 3:5

Orowa, Shinuma anak ne katpak sei kuni gusu anukan nisa ruwe ne sekoro echi eraman; orowa, Shinuma oshiketa katpak isam ruwe ne.

Ekambakbe 14:5

Orowa, nei utara koro paroho oshiketa shunge shomo anukara; turu-sak utara ne ruwe ne na.