I Petros 2:21 - Ashiri Aeuitaknup Iyohaichish Yona 1897

²¹ Tambe gusu, echi anishuk nisa ruwe ne; inambe gusu ne yakun, Kiristo ne yakka echi utara gusu ayairamshitnere, awa, nei kochi otta echi kari kuni ne, echi utara gusu aikoikarabe ande nisa ruwe ne:

I Petros 2:21 ပူးပေါင်းရင်းမြစ်များ

Iyohaichish 85:13

Oupeka-hi anak ne Shinuma kotchaot paye wa Koro kemaha gusu ruhu kara kusu ne na.

Mattaios 10:38

Orowa, koro utasap uk wa En osh shomo ek gurʼanak ne En ko-oripak shomoki guru ne ruwe ne.

Mattaios 11:29

Kuani anak ne ramu-shiroma wa keutum yaieoripakka ambe Ku ne ruwe ne gusu, Ku rekuchi orunbe uk wa En orowa no eyaihannokkara yan; yak anak ne echi keutum gusu shini ushi apa kusu ne.

Mattaios 16:24

Orowa no Yesu anak ne koro koikara utara otta ene itak-hi :— Nen ne yakka, En osh ek kuni ramu guru an chiki, yaikota yaieshina wa koro utasap ani wa En osh ek yan.

Roukos 24:26

Kiristo anak ne tap okaibe gusu aeramushitnere wa nupeki otta ahun kuni gusu ne ap shomo ne ya? sekoro itak.

Yoannes 13:15

Inambe gusu ne yakun, echi utara gusu Ku kara korachi echi utara ne yakka kara kuni ne epakashi echi kore ash na.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

Apostoro ikip oma kambi 17:3

awa, Kiristo anak ne ayairamshitnere wa rai i orowa no hetopo-shiknu kuni gusu an ap ne ari an arabe pita wa ye: samata, echi orun ku eupaskuma Yesu anak ne nei Kiristo ne sekoro ye nisa ruwe ne na.

Apostoro ikip oma kambi 9:16

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

I Korintos 11:1

Kuani anak ne Kiristo ikoisamba korachi echi utara ne yakka en ikoisamba yan.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Piripoi 2:5

Kiristo Yesu koro keutum ta tap esanniyo korachi echi utara ne yakka esanniyo yan;

I Tessaronike 3:3

tambe anak, inan guru ne yakka tapan aeramchuptekbe gusu shomo amoimoigere kuni gusu an ap ne; inambe gusu ne yakun, chi utara anak ne tambe gusu aatte utara chi ne sekoro echi yaikota eraman ruwe ne gusu ne na.

I Tessaronike 4:2

Echi utara anak ne nekon a ikashpaotte ani Utarapa ne Yesu gusu chi utara echi kashpaotte nisa ruwe ne ya, echi eraman ruwe ne gusu ne na.

II Timoteos 3:12

Ruwe un, inan guru ne yakka Kiristo Yesu oshiketa Kamui kooripak an no ishu kusu ne sekoro ramuoshitchiu gurʼanak ne aepokba kusu ne.

Hebraios 2:10

Inambe gusu ne yakun, gusu obitta no okaibe an, ankushkeraipo obitta no okaibe hetuku ambe auak ne inne no okai poho utara arakuru otta tura shiriki ita ayairamshitnere ki wa gusu nei utara koro kashiobiuki-hi hetukurep eramushinnere kuni oupak ruwe ne.

I Petros 1:20

Shinuma anak ne moshiri asama aande etoko wano aeramu ambe ne, koroka, echi utara gusu pakihi okeseketa anukare nisa ruwe ne;

I Petros 2:24

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

I Petros 4:1

Tambe Kiristo anak ne kam otta ayairamshitnere gusu, tambe gusu, echi utara ne yakka nei no an yainu-hi ani yaikota echi yaimutkare yan; inambe gusu ne yakun, kara otta ayairamshitnere guru anak ne katpak shiokere nisa ruwe ne na;

I Petros 4:13

koroka, Kiristo iki ayairamshitnere ambe tura no iki utara echi ne ruwe ne gusu nupetne yan; tambe anak Shinuma koro nupekihi anukara ita ne yakka, poron no ramuritetke wa, echi nupetne gusu ne na.

I Yoannes 2:6

Shinuma onnaigeta ku riya sekoro ye gurʼanak ne, Shinuma apkash nisa korachi nei guru poka yaikota apkash kunip ne ruwe tapan na.

I Yoannes 3:16

Shinuma anak ne un gusu koro inotu ande-hi gusu, tambe gusu omap ambe chi eraman; chi utara ne yakka iriwak utara gusu koro inotu ande kusu ne ap ruwe ne.

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.