I Petros 2:17 - Ashiri Aeuitaknup Iyohaichish Yona 1897

¹⁷ Obitta no okai utara ko-oripak yan. Iriwak ne utara omap yan. Kamui koishitoma yan. Ahekote nishpa ko-oripak yan.

I Petros 2:17 ပူးပေါင်းရင်းမြစ်များ

Iyohaichish 111:10

Ehoba koishitoma ambe anak ne wayashnu-i eatpake ne; Nei no ki utara anak ne eraman utara ne ruwe ne: Shinuma akoiramye-hi anak ne otusashuishiri pakno an ambe ne ruwe ne na.

Mattaios 22:21

Orowa, nei utara otta Shinuma ene itak-hi :— Tambe gusu Kaisaros otta Kaisaros korope koropare yan; Kamui korope anak ne Kamui otta yange yan, ari itak.

Yoannes 13:35

Echi utara anak ne utashpa uweomap shiri an yakun, Ku koro koikara utara echi ne sekoro utara obitta eraman ruwe ne kusu ne na.

Roma 12:10

Wenbe etunne wa pirikap otta ko-an. Iriwak utara ko-omap wa uwe-eramuhaugere yan; aainukoro wa uwe-eoripak yan;

Roma 13:7

Nen ne yakka akore kunip sange yan: yaku akore kuni utara otta yaku koropare; zei akore kuni utara otta zei sange: koishitoma kuni utara ko-ishitoina; ko-oripak kuni utara ko-oripak yan.

II Korintos 7:1

Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

Epesos 5:21

samata, Kiristo gusu an ishitoma-hi koro wa uweutashpa yai-uitaknure yan.

Piripoi 2:3

nep ne yakka echi ki ita anak ne sakayo newa yaiomonnure gusu iteki ki yan, koroka, keutum yaieoripakka wa moshima okai utara anak ne yaikota kasu no pirikap ne sekoro pishno pishno esanniyo yan;

I Timoteos 6:1

Rekut unbe pokta ausshiune wa okai utara yaikota koro nishpa aainukoro kunip ne sekoro esanniyo yak pirika, tambe anak ne Kamui reihei newa nei epakashi shomo akoatcha kuni gusu ne na.

Hebraios 13:1

Iriwak utara koomap ambe ramma-kane an kuni ki yan.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:13

Utarapa gusu utara aashtep otta koitaknu yan;

I Petros 5:5

Samata, echi okai upeure utara, ekashi otta koitaknu yan. Ruwe un, echi utara obitta uweutashpa ukoyaishieiwangere gusu oripak ambe ani yai koshaye wa okai yan: inambe gusu ne yakun, Kamui anak ne shiokunnure utara eshishi, koroka, oripak an utara otta irenga sange wa koropare ruwe ne gusu ne na.