I Petros 2:12 - Ashiri Aeuitaknup Iyohaichish Yona 1897

¹² Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 2:12 ပူးပေါင်းရင်းမြစ်များ

Iyohaichish 37:14

Otek-sak guru newa irapokkarai guru hachire, Ruhu otta oupeka utara ronnu kuni ne; Wen utara anak ne rangetam etaye, koro ku koreuba nisa ruwe ne:

Iyohaichish 50:23

Iyaiiraige yangep yange gurʼ anak ne Eri ko-oripak ruwe ne; Orowa, kon ruhu etoko-oiki guru otta Kamui kashiobiuki-hi ku nukare kusu ne na.

Mattaios 10:25

Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?

Mattaios 5:11

Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne.

Mattaios 5:16

Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Mattaios 9:8

Koroka, inne utara tap ambe nukara chiki ishitoma shiriki, orowa, tap korachi an mondum ainu otta koropare Kamui ko-oripak nisa ruwe ne na.

Roukos 1:68

Israeru utara koro Kamui ne Utarapa anak ne anunuke ne; Koro utara ko-ingara, utara kikiraye nisa ruwe ne gusu ne na.

Roukos 19:44

samata, eani newa otta okai poho utara newa shiri pakno hokushte kusu ne toho eani gusu ek kusu ne; nei utara shine shuma ne yakta shuma ukata moshima no ande shomoki kusu ne; eani anak ne ahotanukara paki i erampeutek nisa ruwe ne gusu ne na, sekoro itak.

Roukos 6:22

Ainu Poho rengap gusu, utara echi etunne hemhem ki, echi shinnai no ande hemhem ki, echi sakayokara wa echi reihei anak ne wenbe korachi osura hemhem ki ita anak ne, anunuke an.

Yoannes 13:31

Orowa, shinuma soine wa isam chiki Yesu ene itak-hi :— Tane anak ne Ainu Poho aeoripak ruwe ne, orowa, Kamui anak ne Shinuma otta aeoripak an na;

Apostoro ikip oma kambi 15:14

Kamui anak ne hoshiki no Oya uirup orota ek wa yaikota kon reihei gusu nei utara tumuge wano utara uk kuni orushpe Simeon un nure nisa ruwe ne.

Apostoro ikip oma kambi 24:13

Orowa, tane ani a en eiyonnuppa orushpe nei utara sonnere eaikap ruwe ne.

Apostoro ikip oma kambi 25:7

Orowa, shinuma ek chiki Yerusarem wano ariki wa okai utara anak ne shinuma okari ta roshki, aine, son nere eaikap poron no wen orushpe ani eiyonnuppa nisa ruwe ne:

Apostoro ikip oma kambi 28:22

Koroka, aokai anak ne nekon a e yainu ya chi nu rusui; inambe gusu ne yakun, tan epakashi oma utara gusu anak ne nei ita ne yakka wen no aye ambe ne ruwe ne gusu ne na, ari itak.

Roma 12:17

Yaikota gusu iteki yaiko-wayashnu ne. Wenbe gusu inan guru otta ne yakka iteki wenbe eumomtasa yan. Obitta no okai utara tek-samata aeoripakbe kunip esanniyo yan.

Roma 13:13

Tokap an to korachi oupeka no apkash anro; iku-sakayo newa ihoshki ambe otta hene, omoinu newa ramupekere otta hene, upaore newa eyaitunnap otta hene iteki apkash anro.

Roma 14:18

Aine, tap okaibe ani Kiristo otta yaishieiwangere guru anak ne Kamui nupetnerep ne, orowa, utara orowa no aeramuoshmap ne ruwe ne.

Roma 15:9

ekashi otta aye eitakamkire ambe ashtere hemhem ki, samata, Oya un utara anak ne Kamui rampoken gusu Shinuma koiramye hemhem ki kuni gusu ne na; tambe anak ne ene ene korachi anuye wa an na, Tambe gusu, Oya un utara tumugeta kuani e koyaiiraige ash na, E reihei otta shinotcha ku ki kusu ne.

I Korintos 14:25

keutum ta aeshinap anak ne asarare an; aige, nei guru nanu shirikamu wa Kamui koongami hine nei Kamui echi tumugeta an kunak ye kusu ne na.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 13:7

Nep wen-buri ne yakka shomo echi iki kuni Kamui otta tane chi inonno-itak ash; chi utara anak ne auwande okere kunak anukara kuni gusu shomo ne, koroka, aemakbap korachi chi ne a yakka, echi utara anak pirikap iki kuni gusu an ambe ne.

II Korintos 8:21

inambe gusu ne yakun, Kamui shik-sam patek shomo ne, koroka, utara shik-samta ne yakka pirika okaibe eyaikoshiramshuiba ash ruwe ne gusu ne na.

Epesos 2:3

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

I Tessaronike 4:12

samata shui, nep ne yakka echi eishiramne ushike isam wa soita okai utara epeka oupeka keutum kon no apkash kuni ne echi onishnishi ash na.

I Timoteos 2:2

Moshiri shikkashima utara newa pase nrondum koro utara gusu ne yakka; tambe anak nekon a ka Kamui kooripak an no yaikatanu hine ratchitara wa itomo kon no oshiroma kuni gusu ne na.

I Timoteos 4:12

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

I Timoteos 5:10

nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

Hebraios 13:18

Un gusu inonno-itak ki wa un kore: chi utara anak ne oheuge keutura sak wa nep ne yakka gusu oupeka no moshiri koapkash rusui ruwe ne sekoro chi ramu ash ruwe ne gusu ne na.

Hebraios 13:5

Ichen shomo koomap no okai; yaikorobe gusu yaiyainuwere yan: inambe gusu ne yakun, Shinuma yaikota ene itak-hi :— Kuani anak ne son no moshima no e ande shomoki, e emaka shomoki kusu ne. Tarahe gusu,

Yakob 3:13

Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.

I Petros 2:15

Inambe gusu ne yakun, echi utara anak ne pirikap ki-hi ani ramu-sak utara erampeutekbe raore kuni ambe anak ne, Kamui irenga ne ruwe ne:

I Petros 3:16

echi ohaigekara an wa, Kiristo otta echi iki pirikap wen no ye utara anak ne ayainikoroshmare kuni gusu, katpak isam no an keutum koro yan.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

II Petros 3:11

Tap korachi tap okaibe nin wa aisamka kuni ambe ne sekoro chi eraman gusu, turu-sak no moshiri koishu hene ki,