I Petros 1:6 - Ashiri Aeuitaknup Iyohaichish Yona 1897

⁶ Tambe otta, echi koro eishokor-i akoramnukara ambe anak ne, abe ani turu-sakte yakka munin kongani kasu no nupuru wa, Yesu Kiristo anukara ita airamye, anupekte, aeoripakka an kuni ne, tane irukai aki etokosh yakun,

I Petros 1:6 ပူးပေါင်းရင်းမြစ်များ

Iyohaichish 119:28

Ku ramat shingi wa nin ruwe ne: E koro itak an korachi en tumashnure wa en kore.

Iyohaichish 119:75

Aa Ehoba, E koro aesanniyo-hi anak ne oupekap ne sekoro ku eraman,

Iyohaichish 34:19

Oupeka utara iwendep anak ne inne ne, Koroka, Ehoba anak ne obitta nei okaibe orowa no ohaitare kusu ne ruwe ne.

Iyohaichish 35:10

Obitta no okai ku ponehe anak ne ene ye kusu ne, Ehoba, E koheraye gurʼanak nen ne ruwe? Shinuma gusu tumashnu kashpa guru orowa no Aokai anak ne otek-sak guru ohaitare, Ruwe un, iwende guru gusu otek-sak guru newa irapokkari guru kashiobiuki ruwe ne.

Iyohaichish 69:20

Aesapse ambe anak ne ku keutum iuninka, ok ani ku eshik ruwe ne, En chishikiraine kuni guru ku hunara, koroka, isam ruwe ne; En omaoma kuni utara ku hunara, koroka, ku nukara shomoki nisa ruwe ne.

Iyohaichish 9:14

Yak anak ne, obitta no okai E koro ramye kunip ku assuru ashte: Sion matnepo koro apa otta, E ki kashiobiuki-i gusu ku enupetne kusu ne na.

Iyohaichish 95:1

HETAK, araki wa Ehoba otta shinotcha ki: Un Kashiobiuki Watara otta nupetne hau ashtero.

Mattaios 11:28

Nen ne yakka monraige wa kososh no ashikere utara anak ne En otta araki yan, yakun, Kuani echi shinire ash kusu ne na.

Mattaios 26:37

Orowa, Shinuma Petros newa Zebedee koro tu poho tura wa oman, aige, ok wa shi no ramu-oknatara beashiri.

Mattaios 5:12

Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Roukos 1:47

Ku ramat auak ne en kashiobiuki Kamui enupetne ruwe ne.

Roukos 10:20

Koroka, tap ambe gusu, ramat utara echi ki itak nu gusu, iteki echi yaikopuntek yan; echi kon reihei anak ne kando oshiketa anuye wa okai gusu yaikopuntek yan.

Roukos 2:10

Tata otta Kamui hauturumbe iotta ene itak-hi :— Iteki ishitoma yan; ingarʼan, echi utara gusu poron no akopuntek kuni shongo echi nure ash na, nei ambe anak ne obitta no okai utara gusu an ap ne kusu ne gusu ne na:

Yoannes 16:22

Tambe gusu, echi utara anak ne tane oknatara: koroka, shui, Kuani echi nukara wa echi yaikopuntek kusu ne, orowa, nei okai echi koro yaikopuntek-i echi orowa no uk guru isama.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

Roma 12:12

chipachipa wa nupetne; aeramchuptek ita yaiyupupu;

Roma 5:11

nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

Roma 5:2

Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

Roma 9:2

poron no oknatara ruwe ne sekoro Kiristo oshiketa sonep ku ye wa shomo ku shunge ruwe ne, ku keutum ne yakka Ashkanne Ramat gusu en tura paweteshu ki ruwe ne na.

II Korintos 4:17

Inambe gusu ne yakun, irukai patek an kushki chikoro koshne aeramchuptekbe anak ne chi utara gusu naa kasu no kasu no an aokere shomoki pase arakuru kan ruwe ne;

II Korintos 6:10

apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Piripoi 2:26

inambe gusu ne yakun, shinuma anak ne tashum ki ruwe ne sekoro echi nu a gusu, nei guru shi no yairamkoiki wa echi enishomap nisa ruwe ne gusu ne na;

Piripoi 3:3

inambe gusu ne yakun, Kamui Ramat ani ongami hene ki, Kiristo Yesu otta yaiomonnure hene ki, samata, kara gusu shomo eyaikopashte-i hene ki chi utara anak ne son no okarituye buri akire utara chi ne ruwe ne:

Piripoi 4:4

Ramma Utarapa enupetne yan: shui, nupetne yan, ani ku ye.

I Tessaronike 1:6

Orowa, echi utara anak ne poron no aeramchuptek ambe newa Ashkanne Ramat oma yaikopuntek-hi tura itak uk hine chi utara newa Utarapa a un eikoisamba utara ne akan ruwe ne;

Yakob 1:2

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,

Yakob 1:9

Koroka, eraratki an iriwak anak ne arikande gusu nupetne yan;

Yakob 4:9

Yairamkoiki hene ki, yaituwashkarap hene ki, chish hene ki yan; echi mina ambe itasare wa yaituwashkarap ne kara, echi nupetne-hi itasare wa oknatara ambe ne kara yan.

I Petros 3:17

Kamui rengaine nei no esanniyo chiki, echi utara wenbe echi ki gusu aeramshitnere kasu no, pirikap echi ki wa gusu aeramshitnere-hi anak ne naa pirika ruwe ne.

I Petros 4:7

Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.