I Petros 1:17 - Ashiri Aeuitaknup Iyohaichish Yona 1897

¹⁷ Orowa, ainu kashiramu shomoki no pishno pishno an guru koro ikip an korachi koipishi Kamui, Michi nep koro korachi echi konishuk yak anak ne

I Petros 1:17 ပူးပေါင်းရင်းမြစ်များ

Iyohaichish 39:12

Aa Ehoba, ku ki inonno-itak nu wa en kore; ku ashte hau orun ikokanu wa en kore; Ku sange nupe iteki ikorampoktuye wa en kore: Kuani anak ne E tek-samata oya guru korachi ne; Ku goro ekashi korachi payekai guru ku ne ruwe ne gusu ne na.

Iyohaichish 89:26

En orun shinuma ene hawe okai kusu ne-hi;— Aokai anak ne ku michi ne, Ku Kamui ne, en kashiobiuki kuni Watara ne ruwe ne.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 22:16

Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na.

Mattaios 6:9

Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore.

Roma 11:20

Pirika, nei utara eumbipka gusu okayepa nisa ruwe ne, orowa, aokai anak ne eishokor-i gusu ash shiriki ruwe ne.

II Korintos 1:2

chikoro Michi ne Kamui newa Utarapa ne Yesu Kiristo orowa no irenga newa itomo echi gusu an na.

II Korintos 5:6

Tambe gusu ramma rametok koro, aige, koro uni ne netobake ta okai rapoketa, Utarapa wa eoyake an ari an ambe chi eraman (inambe gusu ne yakun,

II Korintos 7:1

Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

II Korintos 7:11

Inambe gusu ne yakun, tapne an ambe ingarʼan, Kamui kooripak nei no echi aoknatare gusu anak ne, echi tumugeta nep yuptek no echi iki humi! ruwe un, nep kikikara ambe! ruwe un, nep kinrakara ambe! ruwe un, nep ishitoma ambe! ruwe un, nep eyaikatekara ambe! ruwe un, nep seisek mau keutum! ruwe un, nep ikemnu ambe humi! nep ne yakka nei orushpe gusu echi utara anak ne turu-sakbe ne sekoro echi yaiashte nisa ruwe ne.

Garatea 2:6

Koroka, pase ne aesanniyo utara orowa (nei utara anak nekon a ambe ne a yakka, en gusu isam korachi ne: Kamui anak ainu ne nep koro shomo uk ruwe ne); nei pase ne aesanniyo utara anak nep ne yakka en kore shomoki ruwe ne,

Epesos 1:17

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

Epesos 3:14

Tambe gusu, orowa no kando otta ne yakka

Epesos 6:9

akore kusu ne na, sekoro uonnere yan. Orowa, nishpa ne echi utara, shinuma utara gusu nei no ki wa, iteki kosakayokara yan; aige, nei utara kon nishpa ne yakka echi kon nishpa ne yakka kando oshiketa an sekoro esanniyo yan, orowa, Shinuma anak ne ainu chari ainu kowen keutura shomo kon ruwe ne na.

Piripoi 2:12

Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

Korosai 3:25

Inambe gusu ne yakun, wenbe ikichi gurʼanak ne aki okere wenbe gusu tasa akore kusu ne: aine, utara kowen utara kopirika keutum isam ruwe ne gusu ne na.

Hebraios 12:28

Tambe gusu, ashimoyere eaikap moshiri a un kore gusu, kooripak ambe newa ishitoma ambe tura, ani Kamui nupetnere yaishieiwangere iyaiiraige an keutum koro anro:

Hebraios 4:1

Tambe gusu, ikineipeka Shinuma koro shini-i otta chi ahup ash kuni gusu an aeitakamkirep ahoppa wa, nei ambe epa kuni shomo nep ne echi anukara an sekorobe ishitoma anro.

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

I Petros 3:15

Kiristo anak ne Utarapa ne sekoro echi keutura ta esanniyo yan: echi oshiketa okai chipachipa ambe ikkewehe ramu-rotcha wa ishitoma an no nen ne yakka otta ese-itak sange kuni ne ramma-kane etokooiki wa okai yan: