I Korintos 7:5 - Ashiri Aeuitaknup Iyohaichish Yona 1897

⁵ Ouse iruka an pakihi gusu inonno-itak gusu moshima iteki utashpa uwe ehunara yan, orowa, echi yai-yaishik-kashima eaikapbe gusu Satan anak ne iteki echi koramnukara gusu kanna-shui ukotura koan yan.

I Korintos 7:5 ပူးပေါင်းရင်းမြစ်များ

Mattaios 17:21

orowa, echi ki eaikapbe oara isam kusu ne na.

Mattaios 19:11

Koroka, orota Shinuma ene itak-hi :— Ainu obitta tap Ku ye itak uk eaikap, ouse uk kuni mondum akore guru patek tan itak koro eashkai ruwe ne.

Mattaios 4:10

Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne.

I Korintos 7:4

Machi anak ne yaikota kon netobake gusu mondum shomo koro, koroka, koro hoku kon ruwe ne: shui, hoku anak shem korachi yaikota kon netobake gusu mondum shomo koro, koroka, koro machi kon ruwe ne.

I Tessaronike 3:5

Tan ikkewehe an gusu kuani poka, naa yaishiporore eaikap chiki, echi iki eishokor-i eraman kuni ne ku teshkan nisa ruwe ne, nekon a poka ika nei a ikoranmukarape echi koramnukara, aige, chi utara iki monraige iteki raka-sak kuni gusu ne na.