I Korintos 7:31 - Ashiri Aeuitaknup Iyohaichish Yona 1897

³¹ hok utara shomo koro korachi ne; orowa, moshiri eiwange mashkin korachi ne kuni gusu an ap ne: inambe gusu ne yakun, tan moshiri katuhu auak ne isam kusu ne gusu ne na.

I Korintos 7:31 ပူးပေါင်းရင်းမြစ်များ

Iyohaichish 39:6

Son no newa, obitta no an guru anak ne noka korachi apkash na: Son no un, raka sak no keutum kopoye ruwe ne: Ikoro eumashnu, koroka, okaketa nei ambe uina kusu ne a guru nen ne ruwe he an eramushkare.

Iyohaichish 73:20

Mosh orowa no ainu wendarap nei no, Aa Utarapa, Aokai anak ne yai-hopunire ita nei utara koro nokaha etunne kusu ne na.

Roukos 21:34

Koroka, echi keutura anak ne ibeshikasure ambe ani hene, ihoshki ambe ani hene, shiknu gusu an okaibe enishomap ambe ani hene shomo aeshik kashpa wa iteki akbe korachi ekushkonna echi orun nei toho ek kuni ne yaitubare yan:

I Korintos 7:29

Koroka, tambe ku ye, iriwak utara, pakihi anak ne ataknere wa an, tambe gusu, tewa no machi koro utara anak ne mat sak korachi ne;

I Korintos 7:30

orowa, chish utara anak ne shomo chish korachi ne; nupetne utara anak shomo nupetne korachi ne;

I Korintos 9:18

Yakun, ku uk iwayehe nepta? Pirika shongo ku eupaskuma ita oro isam no nei pirika shongo ku ki kuni ambe ne, okese pakno pirika shongo gusu an ku atarimaye shomo ku eiwange kuni gusu ne ruwe ne na.

Hebraios 12:27

Orowa, tan :— Kanna arashui ne — sekorʼambe anak ne, akara okaibe nei no korachi an wa ashimoyere ambe anak oyakta aomande kunip ne sekorʼan ikkewe an itak ne, aige, shomo shimoyepa okaibe anak an kusu ne gusu ne na.

Yakob 4:14

nishatta hetuku kusu ne okaibe nekon a ambe ne ya sekoro echi erampeutek ruwe ne gusu ne na. Echi koro inotu nekon a ambe ne ya? Echi utara anak ne irukai an, aige, ush wa isam paha echi ne ruwe ne gusu ne na.

I Petros 1:24

Inambe gusu ne yakun, Obitta no okai kam anak ne mun korachi ne. Nei tombe-i anak ne mun ponno ukorachi ne ruwe ne. Mun auak ne shumumge, nei nonno rapapse:

I Petros 4:7

Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa

I Yoannes 2:17

Orowa, raoshiri hene, moshiri gusu eikaunu ambe hene aokere kusu ne; koroka, Kamui irenga ki gurʼanak ne ramma pakno okai kusu ne na.