I Korintos 7:19 - Ashiri Aeuitaknup Iyohaichish Yona 1897

¹⁹ Okarituye-buri anak ne nepka shomo ne, shui, shomo okarituye-buri akire-hi ne yakka nep ka shomo ne; koroka, Kamui ikashpaotte shikkashima ambe anak ne nepka ne ruwe ne.

I Korintos 7:19 ပူးပေါင်းရင်းမြစ်များ

Mattaios 5:19

Tambe gusu, nen ne yakka tap iyotta pon ikashpaotte otereke, orowa, moshima okai utara nei ambe otereke kuni epakashnu gurʼanak ne, kando moshirʼotta iyotta pon guru ani aye kusu ne: koroka, nen ne yakka nei tuitak nei no ki wa nei ambe moshima guru otta epakashnu gurʼanak ne, nei guru kando moshirʼotta pase guru ne ani aye kusu ne na.

Yoannes 15:14

Echi utara anak ne Ku ki ikashpaotte nei no ki yakun, Ku katairotki utara echi ne ruwe ne.

Roma 3:30

Kamui anak ne Shinep ne wa eishokor-i gusu okarituye-buri akire utara oupekare, orowa, eishokor-i ani okarituye-buri shomo akire utara oupekare yak anak ne ene ne ruwe ne.

I Korintos 8:8

Koroka, kam gusu chi utara anak ne Kamui tek-samata shomo roshki ash: shui, shomo ibe yakka aewende shomoki: shui, ibe yakka aepirikare shomoki ruwe ne na.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Garatea 6:15

Inambe gusu ne yakun, okarituye buri akire yakka gusu aepirikarep isama, shomo akire yakka aepirikare shomoki ruwe ne, koroka, ashiribe ne akara ambe anak epirikare ambe ne.

Korosai 3:11

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

Ekambakbe 22:14

Koro mipihi furaye utara shinnunuke an; nei utara anak ne nei inotu oma chikuni epeka mondum akore, shui, ahunapa kari nei machiya orun ahup kuni gusu an ap ne ruwe ne gusu ne na.