I Korintos 6:19 - Ashiri Aeuitaknup Iyohaichish Yona 1897

¹⁹ Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne;

I Korintos 6:19 ပူးပေါင်းရင်းမြစ်များ

Iyohaichish 100:3

Ehoba anak ne Kamui ne i echi esanniyo yan; Un kara guru anak ne Shinuma ne, Shinuma koro utara chi ne; Shinuma koro utara chi ne wa, Shinuma mimdara un hitsuji chi ne ruwe ne.

Iyohaichish 12:4

Nei utara ene itak-hi:— Parumbe ani annokara ash kusu ne; Patoi anak chi korobe ne: un nishpane guru nen ne ruwe he an? ani itak.

Yoannes 2:21

Koroka, Yesu anak ne yaikota koro netobake ani an ashkanne ushike epeka no ye nisa ruwe ne.

Roma 8:9

Echi onnaigeta Kamui Ramat anak uni ne koro yak anak ne kam onnaigeta shomo echi okai, koroka, ramat onnaigeta echi okai ruwe ne. Koroka, nen ne yakka Kiristo kon Ramat shomo koro guru an chiki; nei guru anak Shinuma otta ko-an guru shomo ne ruwe ne.

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

I Korintos 6:13

Honihi gusu aep, aep gusu honihi; koroka, Kamui anak ne netobake ne yakka nei okaibe ne yakka isamka kusu ne. Koroka, netobake anak ne hoiyo gusu an ambe shomo ne, koroka, Utarapa gusu an ambe ne; orowa, Utarapa ne yakka netobake gusu an ambe ne ruwe ne:

I Korintos 6:3

Chi utara anak ne Kamui hauturumbe koipishi kusu ne ambe echi erampeutek ruwe he an? Yakun, naa hemanda pakno tane an ishu-i gusu an ambe gusu shomoki ya?

II Korintos 5:15

awa, shiknu wa okai utara anak ne tewa no yaikota gusu ishu shomoki, koroka, nei utara kotchane rai wa hetopo-shiknu guru gusu ishu kuni ne Shinuma anak obitta no okai utara kotchane rai nisa ruwe ne.

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Yakob 4:5

Samata, ikkewe isam no Kamui kambi ye ruwe ne sekoro echi yainu ya? Un onnaigeta Shinuma shiromare ramat anak ne eyaitunnap iki ruwe he an?

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.