I Korintos 6:15 - Ashiri Aeuitaknup Iyohaichish Yona 1897

¹⁵ Echi kon netobake anak ne Kiristo koro awehe ne sekorʼambe echi erampeutek ruwe he an? yakun, kuani anak ne Kiristo koro awehe ku uk wa hoiyo ki shiwentep koro awehe ne kara kusu ne ya? Oara shomo ruwe ne.

I Korintos 6:15 ပူးပေါင်းရင်းမြစ်များ

Roukos 20:16

Shinuma ek wa nei toi kara utara isamka wa moshima okai utara otta koropare kusu ne, ari itak. Orowa, okai utara nei ambe nu chiki :—

Roma 12:5

chi utara ne yakka inne utara ne, koroka, Kiristo otta shine netobake chi ne, orowa, pishno pishno uweutashpa an awehe chi ne ruwe ne na.

Roma 3:31

Tambe gusu, chi utara anak ne eishokor-i ani tuitak raka-sakte ruwe he an? Ara shomo: koroka, tuitak ashte ruwe ne.

Roma 3:6

Ara shomo: nei no ne yak anak ne hemanda Kamui anak moshiri koipishi kusu ne ya?

Roma 6:15

Yakun, nekon a? Tuitak choropoketa shomo chi okai wa irenga choropoketa okai gusu, tambe gusu katpak chi ki kusu ne ya?

Roma 6:2

Ara shomo. Katpak otta rai okere chi utara anak ne hemanda tewa no nei ambe otta shiknu kusu ne ya?

Roma 7:13

Yakun, pirikap anak en gusu rai ambe ne nisa ruwe he an? Ara shomo. Koroka, katpak anak ne katpak ne aesanniyo kuni gusu, nei pirikap ankushkerai rai ambe iki ruwe ne — nei ambe anak ikashpaotte ankushkerai katpak naa kasu no akokat-pakbe ne akara kuni gusu ne na.

Roma 7:7

Yakun, hemanda chi ye kusu ne ya? Tuitak anak ne katpak ne ruwe he an? Ara shomo. Yakka, tuitak ankushkerai shomo ne yakun, katpak ku erampeutek ruwe ne: Iteki yaikoshipuinere yan, ari an itak ani nei tuitak ye a shomoki yak anak ne ibeporore ambe ku erampeutek:

I Korintos 11:3

Koroka, pishno an guru koro esapanep anak ne Kiristo ne sekoro echi eraman kuni ku kon rusui; mat-ainu esapanep anak ne okkai ainu ne; Kiristo esapanep anak ne Kamui ne ruwe ne.

I Korintos 12:27

Echi utara anak ne Kiristo kon netobake ne, orowa, okai kuni gusu an ushike kotuk awehe echi ne ruwe ne.

I Korintos 6:13

Honihi gusu aep, aep gusu honihi; koroka, Kamui anak ne netobake ne yakka nei okaibe ne yakka isamka kusu ne. Koroka, netobake anak ne hoiyo gusu an ambe shomo ne, koroka, Utarapa gusu an ambe ne; orowa, Utarapa ne yakka netobake gusu an ambe ne ruwe ne:

I Korintos 6:17

Koroka, Utarapa otta koan gurʼanak ne shine ramat ne ruwe ne.

I Korintos 6:19

Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne;

I Korintos 6:3

Chi utara anak ne Kamui hauturumbe koipishi kusu ne ambe echi erampeutek ruwe he an? Yakun, naa hemanda pakno tane an ishu-i gusu an ambe gusu shomoki ya?

Garatea 2:17

Koroka, chi utara Kiristo otta aoupekare kuni chi hunara rapoketa, chi utara yaikota katpak koro utara ne anukara chiki, Kiristo anak ne katpak hetukure gusu yaishieiwangere guru ne ruwe he an?

Garatea 3:21

Yakun, tuitak anak ne Kamui ki eitakamkirep epokba ruwe he an? oara shomo: inambe gusu ne yakun, shiknure eashkai tuitak akoropare wa okai chiki, son no ka un, oupeka ambe anak ne tuitak an gusu an ap ne.

Garatea 6:14

Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

Epesos 4:12

tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

Epesos 5:23

Inambe gusu ne yakun, hoku ne guru anak ne koro machi sapaba ne, Kiristo poka karisia koro sapaba ne wa, yaikota nei netobake kashiobiuki ambe korachi ne na.

Epesos 5:30

chi utara Shinuma kon netobake oma awehe chi ne ruwe ne gusu ne na.

Korosai 2:19

raka-sak no koro kam-ush keutura gusu pittarane, aige, ari netobake ebitta ikra newa kut-rit ankushkerai gusu areshpa hine Kamui orowa no ashukupte wa shukup nei sapaha yupke no shomo shikkashima ruwe ne na.