I Korintos 6:11 - Ashiri Aeuitaknup Iyohaichish Yona 1897

¹¹ Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

I Korintos 6:11 ပူးပေါင်းရင်းမြစ်များ

Iyohaichish 51:2

Ku goro wen-buri gusu ara en furaye wa en kore, Ku goro katpak gusu en ashkannere wa en kore.

Iyohaichish 51:7

Hissop ani en ashkannere wa en kore, yakun, ku turu-sak kusu ne. En furaye wa en kore, yakun, upas kasu no ku retara kusu ne na.

Mattaios 20:4

echi utara ne yakka hat toi otta ahup yan: orowa, nep echi uk kunip yakka echi kore ash na, sekoro itak.

Roukos 18:14

Echi otta Ku ye :— Nei guru kasu no tan guru anak ne aoupekare no koro uni orun san nisa ruwe ne na: inambe gusu ne yakun, nen ne yakka yaikota yairikande gurʼanak ne aramde kusu ne; koroka, yaikota yairamde gurʼanak ne arikta ande kusu ne na, sekoro itak.

Yoannes 13:10

Orota, Yesu ene itak-hi :— Sus okere guru anak ne ouse koro chikiri patek furaye yak pirika, netobake ebitta turu-sak ruwe ne gusu ne na, echi utara anak ne turu-sak ruwe ne, yakka, obitta turu-sak shomo ne ruwe ne, ari itak.

Yoannes 13:8

Orota Petros ene itak-hi :— Aokai anak ne oara ku chikiri furaye shomoki kusu ne, ari itak. Orota Yesu ene ese-hi :— Kuani e furaye ash shomoki yak anak ne En otta irenga e koro shomoki ruwe ne, sekoro itak.

Apostoro ikip oma kambi 13:39

Mose sange tuitak ani echi utara aoupekare eaikap obitta no okaibe gusu nen ne yakka eishokoro ki guru anak ne Shinuma ani aoupekare ruwe ne.

Apostoro ikip oma kambi 22:16

Aige, tane hemanda e ehuye ya? Hopuni wa baptisma akore hine Shinuma reihei konishuk, orowa, chikokatpak furaye wa isamka yan, ari itak.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 3:24

aige, oro-isam no Kiristo Yesu gusu an kikiraye ambe ani Shinuma korʼirenga ankushkerai aoupekare shiri an:

Roma 4:5

Koroka, shomo ikip ki koroka, Kamui kooripak shomoki utara oupekare Kamui eishokoro guru gusu, shinuma koro eishokor-i anak oupeka ambe ne sekoro aesanniyo ruwe ne.

Roma 5:1

Tambe gusu, eishokor-i ankushkerai aoupekare wa okai gusu,

Roma 5:9

Tambe gusu, naa eetasa no, Shinuma koro kem otta aoupekare wa okai gusu, Shinuma ankushkeraipo irushka-hi orowa no aohaitare ash kusu ne na.

Roma 8:30

orowa, Shinuma etoko wano esanniyo utara, shui, Shinuma nei utara nishuk: orowa, Shinuma nishuk utara, shui, Shinuma oupekare: orowa, Shinuma oupekare utara, shui, Shinuma nupeki kore nisa ruwe ne.

Roma 8:33

Kamui anumge utara eiyonnuppa guru inan guru ne ya?

I Korintos 1:2

Kiristo Yesu otta aashkannere, ashkanne utara ne kuni gusu anishuk, inan ita ne yakka nei utara newa chikoro Utarapa ne Yesu Kiristo konishuk utara orun:

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

I Korintos 12:2

Echi utara Oya utara echi ne a rapoketa, echi rengaine atura korachi, shomo itak potoki otta echi atura nisa ruwe ne sekoro echi eraman.

Garatea 2:16

ashikore wano Yudea un utara chi ne ruwe ne, yakka, ainu anak tuitak ikip gusu aoupekare shomoki no ouse Yesu Kiristo eishokoro ari an ambe ani aoupekare ne sekoro chi eraman gusu, chi utara ne yakka tuitak ikip gusu shomo ne wa Kiristo eishokoro ari an ambe ani a un oupekare kuni ne Kiristo Yesu eishokon nisa ruwe ne na. Inambe gusu ne yakun, inan kara aye yakka tuitak ikip gusu shomo aoupekare kusu ne gusu ne na.

Garatea 3:11

Kamui teksamata tuitak gusu nen ne yakka shomo aoupekare ari an ambe anak ne anukarape ne: inambe gusu ne yakun, aoupekare utara anak ne eishokor-i gusu ishu kusu ne;

Garatea 3:24

Tambe gusu, tuitak anak ne eishokor-i ani a un oupekare kuni ne Kiristo otta un tura gusu an un epakashnup ne ruwe ne.

Garatea 3:8

Orowa, Kamui anak ne eishokor-i an ambe ani Oya utara oupekare kusu ne sekoro Kamui kambi-sosh teeda wano nukara gusu, — Aokai gusu obitta no okai moshiri uirup ikiri anak ne annkannukara kusu ne, — sekorʼan pirika shongo ani etoko wano Abraham otta eupaskuni a ki nisa ruwe ne.

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

II Tessaronike 2:13

Koroka, Utarapa orowa no aomap an iriwak utara, atpake wano Kamui anak ne Ramat ashkannere ambe newa sonep eishokoro ambe otta echi numge wa kashiobiuki gusu, ramma-kane echi utara gusu Kamui koyaiiraige kunip chi ne ruwe ne;

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

Hebraios 10:29

awa, Kamui Poho ekema-pok-otereke hemhem ki, orowa, ani aashkannere aeuitaknu kemihi use ambe ne ari yainu hemhem ki, orowa, irenga an Ramat gusu shomo eyaikatanu hemhem ki utara anak ne, hemanda naa yupke no apanakte kunip ne sekoro echi ramu ya?

Hebraios 2:11

Inambe gusu ne yakun, aturu-sakte shiriki utara newa turu-saktep anak ne obitta shinep orowa no an ambe ne: tambe gusu. Shinuma anak ne nei utara iriwak

I Petros 1:2

Pontus, Garatia, Kappadokia, Asia newa Bitunia ta chichari hine riya wa okai anumge utara otta kambi omande: irenga newa itomo echi gusu aporore an na.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 3:21

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;

I Yoannes 2:12

Nokan utara, Shinuma kon reihei rengap gusu echi koro katpak atusare wa an, tambe gusu echi gusu

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.