I Korintos 6:1 - Ashiri Aeuitaknup Iyohaichish Yona 1897

¹ Echi tumugeta aun guru epeka no aeiyonnupbap an chiki, ashkanne utara shomo ne no okai oupekasak utara kotchake un tak wa koipishi pakno an wenrametokbe koro guru an a?

I Korintos 6:1 ပူးပေါင်းရင်းမြစ်များ

Mattaios 5:45

kando otta an echi koro Michi poho echi ne kuni gusu tambe nei no ki yan; inambe gusu ne yakun, Shinuma anak ne wen guru gusu ne yakka pirika guru gusu ne yakka koro tokap chup hetukure, orowa, keutum oupeka guru otta ne yakka keutum oheuge guru otta ne yakka apto ashte ruwe ne gusu ne na.

Apostoro ikip oma kambi 19:38

Demetrios newa tura no ikichi utara anak ne nen ka gusu eiyonnupbe kunip an chiki, koipishi kuni chisei an, epungine utara ka okai, tambe gusu, uwe-eiyonnupbarero.

I Korintos 1:2

Kiristo Yesu otta aashkannere, ashkanne utara ne kuni gusu anishuk, inan ita ne yakka nei utara newa chikoro Utarapa ne Yesu Kiristo konishuk utara orun:

I Korintos 14:33

inambe gusu ne yakun, Kamui anak ne achatchari ambe koro Kamui shomo ne, itomo koro Kamui ne, ashkanne utara ne obitta no okai karisia otta an korachi nep ne ruwe ne.

I Korintos 16:1

Tane, ashkanne utara gusu eungeraitep umomare ambe gusu, Garatea un karisia utara otta ku ikashpaotte korachi,

I Korintos 16:15

Iriwak utara, (Stepanas chisei un utara anak ne Akaya moshiri un aro-ibehe ne, orosama, nei utara anak ne ashkanne utara gusu yaishieiwangere kuni gusu yaiatte nisa ruwe ne sekorʼambe echi eraman,)

I Korintos 5:12

Soita okai utara koipishi gusu nep irenga ku goro ya? Echi utara anak ne onnaigeta okai utara shomo koipishi ruwe he an?

I Korintos 6:5

Echi yainikoroshmare gusu tambe ku ye ruwe ne.