I Korintos 5:8 - Ashiri Aeuitaknup Iyohaichish Yona 1897

⁸ tambe gusu, nei marapto kiro, fushko pandane koro shomoki, samata, wenbe newa wen-katcham oma pandane ka koro shomoki, koroka, turu-sak an sonep ne pandane sak pan koro hine kiro.

I Korintos 5:8 ပူးပေါင်းရင်းမြစ်များ

Iyohaichish 32:2

Otta Ehoba anak ne wen-buri kore shomoki, Kon ramat oshiketa irarape isam gurʼanak ne anunuke ne.

Iyohaichish 42:4

Kuani anak ne nupetne newa reika hau koro hine shini wa topaha utara tura, Uwatte no an utara tura, Kamui kora kenru orun ku arapa nisa ruwe ne ambe, Tap okaibe ku eshikarun wa ku oshike un ramat ku ohetke ruwe ne na.

Mattaios 16:12

Tambe gusu, Shinuma anak ne pantak pandane gusu yaitubare kuni ye ambe shomo ne, koroka Parisee un utara newa Saddokai un utara koro epakashi gusu an itak ne, sekoro koikara utara eraman nisa ruwe ne na.

Mattaios 16:6

Orowa, orota Yesu ene itak-hi :— Parisee un utara newa Saddokai un utara koro pandane yaitubare yan.

Markos 8:15

Awa, Shinuma nei utara kashpaotte wa ene itak-hi :— Ingarʼan, Parisee un utara koro pan-dane hene Herod koro pan-dane hene yaitubare yan.

Roukos 12:1

Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.

Yoannes 1:47

Orota Natanaeru ek shiri Yesu nukara chiki, shinuma epeka no ene itak-hi :— Ingarʼan, keutumuta irara sak son no Israeru un guru an!

I Korintos 3:3

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

I Korintos 5:1

Echi tumugeta hoiyo an sekorʼambe anu no assuru aashte wa an na; Oya uirup tumta shomo aye pakno an hoiyop ne, echi shiueu anak ue koro michi koro machi koro ambe ne ruwe ne.

I Korintos 5:6

Echi yaiomonnure ambe anak ne pirikap shomo ne. Pon no an pandane anak ne nei ramne taku shipushkere ambe shomo echi eraman ya?

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 8:8

Ipawetenge nepkoro an no shomo ku itak, koroka, moshima okai utara yuptek no iki ambe ankushkerai echi koro omap-hi sonep ne yakka ku sonnere ruwe ne.

Epesos 6:24

Turu-sak no chikoro Utarapa ne Yesu Kiristo omap obitta no okai utara otta irenga an na.

I Petros 4:2

tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.