I Korintos 5:11 - Ashiri Aeuitaknup Iyohaichish Yona 1897

¹¹ yaikoshipuinere hene ki, potoki ko-ongami hene ki, kosakayokara hene ki, ihoshki hene ki, niwen no ikichi hene ki yakun, iteki shinuma tura no ko-okai kuni ku nuye; ibe gusu poka iteki nei no an guru tura no okai yan.

I Korintos 5:11 ပူးပေါင်းရင်းမြစ်များ

Iyohaichish 10:3

Wen utara anak ne koro keutum ta ki rusuibe eyaiyomonnure, Orowa, yaikoshipuinere guru nunuke wa Ehoba eangesh ruwe ne gusu ne na.

Iyohaichish 101:5

Arorokishne no aun guru ohaigekara guru ku isamka kusu ne: Etu mekka rire wa pakesara keutum koro guru an kuni ku kopan ruwe ne.

Mattaios 18:17

Orowa, nei paweteshu utara ye itak nu shomoki chiki, karisia otta ye; karisia ye itak ne yakka nu shomoki yak anak ne shinuma yaku-etaye guru hene oya guru hene korachi otta iki yan.

Mattaios 23:25

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, itangi newa orowa aibe sei soige echi ashkannere ruwe ne, koroka, onnaige anak ne ibeshikashure ambe newa eikaunu ambe ani eshik ruwe ne.

Roukos 18:11

Nei Parisee un guru ash kane yai otta tap okaibe ani inonno-itak ki :— Kamui, kuani anak ne moshima okai utara korachi, niwen no iki guru, oupeka sakbe, omoinu koro guru shomo ku ne gusu, samata teda okai yaku-etaye guru poka ku koheraye shomoki gusu ku yaiiraige ash na.

Roukos 21:34

Koroka, echi keutura anak ne ibeshikasure ambe ani hene, ihoshki ambe ani hene, shiknu gusu an okaibe enishomap ambe ani hene shomo aeshik kashpa wa iteki akbe korachi ekushkonna echi orun nei toho ek kuni ne yaitubare yan:

Apostoro ikip oma kambi 1:15

Orowa, nei toho ta Petros anak ne iriwak utara tumugeta ash wa ene itak-hi (nei ita inne utara uwekarapa wa okai, iwan hotne niu pakno ehange ruwe ne) :—

Apostoro ikip oma kambi 9:17

Orowa, Ananias oman wa nei chisei otta ahun; aige, shinuma kata teke ande wa ene itak-hi :— Ku iriwak ne Sauros, eani ek ru hontomota e otta yainukare Utarapa ne Yesu anak ne aokai ingare kuni gusu, samata Ashkanne Ramat ani E aeshikte kuni gusu en teshkan nisa ruwe ne.

Roma 13:13

Tokap an to korachi oupeka no apkash anro; iku-sakayo newa ihoshki ambe otta hene, omoinu newa ramupekere otta hene, upaore newa eyaitunnap otta hene iteki apkash anro.

Roma 16:17

Iriwak utara, echi aepakashnu epakashi echutko no, uwekoppa newa aepetchiure kunip hetukure utara eshishi kuni echi onishnishi ash na.

I Korintos 10:14

Tambe gusu, ku omap utara potoki emaka yan.

I Korintos 11:21

inambe gusu ne yakun, echi ihe gusu yaikota koro kunne-ibe pishno echi e; orowa, Shinen anak ne sambe-chinoiba, moshima guru anak ihoshki ruwe ne gusu ne na.

I Korintos 5:13

Aige, Kamui anak ne soita okai utara koipishi ruwe ne. Echi tumuge wano nei wen guru emaka wa en kore yan.

I Korintos 6:10

ikka utara hene, yaikoshipuinere utara hene, ihoshki utara hene, kosakayokara utara hene, ehekem utara hene, Kamui moshiri eikeshkoro shomoki kusu ne na.

I Korintos 6:6

Koro iriwak uturu esanniyo eashkai shine wayashnu guru anukara eaikap gusu eishokoro shomoki utara kotchake un echi paye wa koipishire poka pakno echi ki ya?

I Korintos 6:9

Samata, oupeka sak utara Kamui moshiri shomo eikeshkoro kusu ne ambe echi erampeutek ruwe he an? Iteki yaikokandama yan: hoiyo utara hene, potoki ko-ongami utara hene, omoinu ikichi utara hene, kuroma buri ki utara hene, okkai turu wen-buri iki utara hene,

I Korintos 7:12

Koroka, moshimap gusu kuani yaikota ku ye, Utarapa shomo: Nep iriwak ne yakka shomo eishokoro machi koro chiki, aige, nei shiwentep

I Korintos 7:15

Yakka, shomo eishokoro guru paye chiki, paye yak pirika: nei ainu-iriwak ne yakka mat-iriwak ne yakka nei no okaibe gusu ausshiunere ambe shomo ne: koroka, Kamui anak ne itomo an gusu un hotuyekara nisa ruwe ne na.

I Korintos 8:11

E ki eramushbe gusu nei a katchak guru, gusu Kiristo rai akoro iriwak ne guru, aisamka ruwe ne.

Garatea 2:12

Inambe gusu ne yakun, Yakob orowa no utara araki etokota, shinuma anak ne Oya utara tura no ibe nisa ruwe ne: koroka, nei utara araki wa okai chiki shinuma okarituye buri akire utara ishitoma gusu, yaishietaye wa yaishinnaire nisa ruwe ne.

Epesos 5:18

Samata, otta esanasapte an tonoto gusu iteki ihoshki yan, koroka, Ramat ani aeshik no okai yan; orowa,

Epesos 5:5

Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

Korosai 3:5

Tambe gusu, moshiri kata okai echi koro awehe raige yan; hoiyo hene, ichakkere arabe hene, wenkatcham hene, wenbe ki rusui keutura hene, potoki koongami ari an yaikoshipuinere arabe hene raige yan;

II Tessaronike 3:14

Nen ka tan kambi kata anuye wa an chi ki itak koitaknu shomoki guru an chiki, nei guru shirosh omare yan, aige, iteki echi aeyainikoroshmare kuni ne shomo shinuma tura yan.

II Tessaronike 3:6

Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.

I Timoteos 3:3

ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:

I Timoteos 6:5

sonep sak wa oheuge upahunara hemhem patek iki guru ne ruwe ne.

II Yoannes 1:10

Nen ka e orun araki wa tap epakashnu ambe koro shomoki chiki, iteki e kot chisei ta akunge, iteki shinuma rangarap yan:

Ekambakbe 2:14

Koroka, e epeka pon no okaibe an, Israeru un utara anak ne potoki otta ayange ambe ibe hemhem ki, hoiyo hemhem iki kuni ne nei kotchaketa ureepetchiure kuni nep Barak ande gusu epakashnu Baraam iki epakashi koro utara e tura no an ruwe ne gusu ne na.

Ekambakbe 2:20

Koroka, e epeka gusu an ambe an, yaikota uweingara guru ne ari itak nei a shiwentep anak ne Yesaberu e aude ruwe ne gusu ne na; nei shiwentep anak ne Ku goro usshiune utara hoiyo hemhem ki, potoki otta ayange okaibe ibe hemhem ki kuni epakashnu wa kokandama ruwe ne.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Ekambakbe 22:15

Soigeta anak seta okai, pon-itak ki utara okai, hoiyo utara okai, keuk utara okai, potoki-koongami utara okai, orowa, shunge omap wa shungep iki ambe koomap obitta no okai utara pishno an ruwe ne na.