I Korintos 4:9 - Ashiri Aeuitaknup Iyohaichish Yona 1897

⁹ Inambe gusu ne yakun, araige kuni aesanniyo utara nei no, Kamui auak ne iyotta okese ta Apostoro ne chi utara un are nisa ruwe ne sekoro ku yainu ruwe ne: moshiri gusu ne yakka, hauturumbe gusu ne yakka, utara gusu ne yakka, chi utara anak ne shibai un utara nepkoro ne akan na.

I Korintos 4:9 ပူးပေါင်းရင်းမြစ်များ

Iyohaichish 44:22

Ruwe un, Aokai rengap gusu to ebitta a un ronnu wa okai; Araige kuni gusu an hitsuji chikoikip nepkoro aesanniyo ruwe ne.

Iyohaichish 71:7

Inne utara gusu aeiyokunnurep ku ne; Koroka, Aokai anak ne okirashnu en kikikara ushike E ne ruwe ne.

Apostoro ikip oma kambi 19:29

Awa, nei machiya anak ne sakayo aeshik: aige, nei utara anak ne Pauros tura payekai Makedonia kotan un Kaios newa Aristarkos kishima hine shine-ikinne shibai chisei orun awekatta.

Apostoro ikip oma kambi 19:31

Orosama, katairotke wa okai Asia un esapane tono utara anak ne shinuma nei shibai chisei orun iteki yaiahunde kuni ne teshkara nisa ruwe ne.

Roma 8:36

Ayaikikipbe hene ya? Rangetam hene ya? Chieshinnuye wa an korachi poka ne :— Aokai rengap gusu to ebitta a uu ronnu wa okai, Araige kuni gusu an hitsuji chikoikip nepkoro a esanniyo an ruwe ne.

I Korintos 15:19

Aige, tane an ishu-i rapoke patek Kiristo gusu chipachipa chiki, obitta no okai moshima utara kasu no shi no eyaisambepokash utara chi ne ruwe ne na.

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 6:9

son no ambe ne; shomo aeamkiri utara korachi ne a yakka, pirika no aeamkiri; rai utara korachi ne a yakka, ingarʼan, shiknu ash ruwe ne;

I Tessaronike 3:3

tambe anak, inan guru ne yakka tapan aeramchuptekbe gusu shomo amoimoigere kuni gusu an ap ne; inambe gusu ne yakun, chi utara anak ne tambe gusu aatte utara chi ne sekoro echi yaikota eraman ruwe ne gusu ne na.

Hebraios 1:14

Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 10:33

oattekeheta, aesapsep gusu ne yakka aeramchuptekbe gusu ne yakka aeiyoroingara utara ne akara; shui oattekeheta, nei no akara utara ukotura utara echi ne ruwe ne gusu ne na.

Hebraios 11:36

orowa, moshima okai utara anak ne auwande wa aeoyaitak hine akoshirikik an, ruwe ne wa, nei a moshima, atupetupe hemhem aki, ipakashnu chisei ta ahupte hemhem aki ruwe ne: