I Korintos 4:6 - Ashiri Aeuitaknup Iyohaichish Yona 1897

⁶ Orowa, ku iriwak utara ne echi utara gusu itakmaukushte an shirosh ani tap okaibe kuani yaiotta newa Aporros otta ne yakka ku kotukka nisa ruwe ne; chi utara gusu iteki chieshinnuye wa an okaibe kama kuni ne echi eyaihannokkara; samata, nen ne yakka uwe-epeka echi tumugeta iteki an guru gusu pittarane kuni gusu ne na.

I Korintos 4:6 ပူးပေါင်းရင်းမြစ်များ

Iyohaichish 146:3

Esapane utara koro poho iteki eyaikopashte yan, Ainu poho iteki eyaikopashte yan, nei utara kashiobiuki eaikap ruwe ne gusu ne na.

Iyohaichish 8:4

Aokai orowa no aeshkarun kuni gusu ainu anak nekon a ambe ne ya? Otta Aokai arapa kuni gusu ainu poho nekon a ambe ne ruwe he an?

Apostoro ikip oma kambi 18:24

Orowa, Ariksandria un ikiri an eramush guru ne Aporos ari an reihei koro shine Yudea un guru anak ne Epesos kotan ta ek; Shinuma anak ne Kamui kambi-sosh gusu kiroroashnu guru ne.

Apostoro ikip oma kambi 19:1

Orowa, Aporos anak ne Korintos kotan ta an rapoketa, Pauros pena un kotan kush wa Epesos kotan ta ek,

Roma 12:3

Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

I Korintos 1:12

Tan ikkewehe an na, pishno pishno echi ye hawe ene ani :— Kuani anak ne Pauros otta an; kuani anak Aporros otta an; Kuani anak ne Kepas otta an; kuani anak ne Kiristo otta an, ari an itak ani echi ye ruwe ne.

I Korintos 1:19

Inambe gusu ne yakun, ene chieshinnuye wa an na. Kuani anak ne wayashnu utara koro wayashnu ambe ku isamka kusu ne, Orowa, eramush utara koro eramushbe ku emaka kusu ne na.

I Korintos 1:31

ashkanne ambe, kikiaraye ambe ne akara, chieshinnuye wa an korachi an ambe nep :— Yaiomonnure guru Utarapa otta yaiomonnurere yan.

I Korintos 13:4

Omap ambe anak ne ramushiporore wa ramuhaugep ne; omap ambe anak ne shomo eyaitunnap ki; omap ambe anak ne shomo shiokunnere,

I Korintos 3:19

Inambe gusu ne yakun, tan moshirʼun wayashnu ambe anak ne Kamui kotchaketa ramu-isambe ne ruwe ne gusu ne na. Ene chieshinnuye wa an na :— Koro irarabe gusu Shinuma anak ne wayashnu utara kishima ruwe ne: orowa shui, —

I Korintos 3:21

Tambe gusu inan guru ne yakka iteki ainu utara gusu yaiomonnure yan. Inambe gusu ne yakun, obitta no okaibe echi korobe ne;

I Korintos 5:2

Orowa, tan okaibe iki guru anak ne echi tumuge wano auk kuni ne shomo echi yaituwashkarap a koroka, echi pittarane hine okai.

I Korintos 5:6

Echi yaiomonnure ambe anak ne pirikap shomo ne. Pon no an pandane anak ne nei ramne taku shipushkere ambe shomo echi eraman ya?

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

I Korintos 9:23

Orowa, pirika shongo gusu nep ne yakka ku ki, nei ambe uweukouk kuni gusu ne na.

II Korintos 10:12

Inambe gusu ne yakun, chi utara anak ne yaikota yaiashte sereke an utara tura ukonukara hene tura no okai wa aesanniyo kuni hene ki rusui kashpa utara shomo chi ne: koroka, nei utara yaihekota anak ne utashpa yaikota yaiuwepakari hemhem ki, yai tura yaiuweukonukara hemhem ki hine eramsakbe ne ruwe ne.

II Korintos 10:15

moshima utara iki ikip gusu eetasa poron no yaiomonnure shomoki; koroka, echi eishokor-i attep shukup korachi, chi utara ikichi ikiri nei no naa nuye an no an ambe hetukure, gusu echi tumta a un porore kuni chipachipa ash ruwe ne;

II Korintos 10:7

Echi utara anak ne echi nan kotpoketa orun ingara shiriki. Kiristo korobe ne sekoro yaioshiketa eishokoro inan guru ne yakka an chiki, yai-tura kanna-shui tambe yaikoshiramshuibarero; shinuma anak ne Kiristo korobe ne-hi korachi, chi utara ne yakka ene ani ne ruwe ne.

II Korintos 11:4

Hemanda gusu ne yakun, ek kushki guru anak ne shomo chi utara eupaskuma ash moshima an Yesu eupaskuma hene ki yakun, shui, teeda echi akore ramat moshima an ramat echi uk hene ki yakun, samata, shomo echi uk okere moshima an pirika shongo echi uina hene echi ki yakun,

II Korintos 12:19

Chi utara tap ramma-kane echi utara gusu yaiyapapu ash ruwe ne ari echi ramu. Kamui teksamata okai wa Kiristo oshiketa chi ye ruwe ne. Koroka, aeomap utara, obitta no okaibe anak echi aroshikire ash gusu nep ruwe ne.

II Korintos 12:20

Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;

II Korintos 12:6

Inambe gusu ne yakun, ku yaiomonnure rusui yakka, haita guru shomo ku ne; son no ambe ku ye kusu ne gusu ne na: koroka, nei no shomo ku ki ruwe ne, a en nukara wa an ambe hene en orowa no nu ambe kasu no hene, ikineipeka ika nenka en esanniyo kuni gusu ne na.

II Korintos 4:15

Inambe gusu ne yakun, obitta no okaibe anak ne echi rengap gusu an ambe ne, tambe anak nei irenga inne utara gusu naa nuye an no akara wa Kamui arakuru ankushkerai koyaiiraige ambe aporore kuni gusu an ambe ne ruwe ne.

Korosai 2:18

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

I Tessaronike 1:5

inambe gusu ne yakun, chikoro pirika shongo anak ne ouse itak ani patek echi otta ek ka shomoki, koroka, kiroro ani ne yakka, Ashkanne Ramat ani ne yakka, shi no aeshikno an ambe ani ne yakka ek nisa ruwe ne; echi tumugeta chi okai rapoketa echi rengap gusu echi epeka no nekon a ainu chi ne ya echi eraman poka korachi ne ruwe ne na.

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.