I Korintos 4:19 - Ashiri Aeuitaknup Iyohaichish Yona 1897

¹⁹ Koroka, Utarapa ramuoshma chiki, naa pon no shiran ko kuani echi orota ek kushki; aige, nei pittarane utara koro itak shomo ne, koroka, nei kiroro ku eraman kushki na.

I Korintos 4:19 ပူးပေါင်းရင်းမြစ်များ

Apostoro ikip oma kambi 18:21

koroka, shinuma uwetutkopak ki, aine, Kamui rengaine an chiki shui echi orun ku hoshipi kusu ne ari itak koro, Epesos kotan wano atuitomotuye wa oman nisa ruwe ne.

Apostoro ikip oma kambi 19:21

Tap okai orushpe aokere chiki, Pauros anak ne Makedonia newa Akaia kotan ta kush okere yakun, Yerusarem kotan ta oman kuni keutum oshitchiu nisa ruwe ne, aige, nei kotan akush okaketa Roma kotan ne yakka tu nukara kusu ne ap, ari itak.

Apostoro ikip oma kambi 20:2

Awa, nei pishkanike an kotan akush wa poron no onishnishi okere chiki, Kirisia moshiri ta ek.

Roma 15:32

chikoro Utarapa ne Yesu Kiristo gusu hemhem, Ramat omap ambe gusu hemhem, echi utara inonno-itak ki wa en gusu Kamui otta en tura kiroro yupu wa ki kuni echi onishnishi ash na.

I Korintos 11:34

Echi uwekarapa ambe anak ne iteki akokatpakte an kuni ne sambe-chinoiba guru an chiki koro chisei taibe yan. Shui, moshimap anak ne ku ek ita ku oupekare kusu ne na.

I Korintos 14:5

Echi utara obitta oya un itak ani ye yak pirika, koroka, makangane echi uweingara kuni ku kon rusui ruwe ne: aine, karisia aroshikire kuni ne itak itasare shomoki yakun uweingara ki guru anak ne oya un itak ani ye guru kasu no pirika ruwe ne.

I Korintos 16:5

Koroka, Makedonia moshiri akush okere chiki echi orota ku ek kushki;

I Korintos 16:7

Inambe gusu ne yakun, ouse payekai rapoke patek echi nukara ash rusui shomoki, koroka, Utarapa ramuoshma chiki, irukai echi tura no an kuni ku chipachipa ruwe ne.

I Korintos 2:6

Yakka aeramushinne okere utara tumugeta wayashnu ambe chi ye, aine, nei wayashnu-hi anak ne tan moshirʼun wayashnu ambe shomo ne, shui, isam kushki tan moshirʼun epungine utara korobe shomo ne ruwe ne:

I Korintos 4:18

Echi orun shomo ku ek kusu ne korachi sereke utara pittarane okai ruwe ne gusu ne na.

I Korintos 4:6

Orowa, ku iriwak utara ne echi utara gusu itakmaukushte an shirosh ani tap okaibe kuani yaiotta newa Aporros otta ne yakka ku kotukka nisa ruwe ne; chi utara gusu iteki chieshinnuye wa an okaibe kama kuni ne echi eyaihannokkara; samata, nen ne yakka uwe-epeka echi tumugeta iteki an guru gusu pittarane kuni gusu ne na.

II Korintos 1:23

Koroka, kuani anak ne Korintos orun shomo ek ambe anak ne echi eramu-hauge ash gusu an ambe ne sekoro ku keutum kata Kamui ku konishuk wa ipaweteshure ruwe ne.

II Korintos 10:9

tambe anak ku omande kambi ani echi ishitomare noine an ambe shomo a en esanniyo kuni gusu nep ne ruwe ne.

Hebraios 6:3

Aige, Kamui ramuoshma yakun, nei no chi ki kusu ne na.

Yakob 4:15

Utarapa ramuoshma yakun chi utara shiknu wa tambe hene ki nei ambe hene ki kusu ne na ari an itak ani echi ye kuni an ambe ne.