I Korintos 4:17 - Ashiri Aeuitaknup Iyohaichish Yona 1897

¹⁷ Tapan ikkewehe gusu. Utarapa oshiketa an ku omap ikipniukesh poho Timoteos echi orun ku omande nisa ruwe ne; neita ne yakka okai pishno an karisia otta ku epakashnu korachi poka, shinuma anak ne Kiristo oshiketa ku an wa iki buri echi eshkarunde kusu ne.

I Korintos 4:17 ပူးပေါင်းရင်းမြစ်များ

Mattaios 24:45

Chisei koro guru koro chisei epunginere ausshiunere kipniukesh wayashnu utara nen ne ruwe he an? Nei utara otta nei pakihi epa ita aep koropare kusu ne.

Mattaios 25:21

Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Mattaios 25:23

Otta kon nishpa ene itak-hi :— Pirika, ikipniukesh wa pirika usshiune guru; pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Apostoro ikip oma kambi 16:1

Orowa, shinuma Derbe newa Rustra kotan otta ne yakka ek nisa: aige, ingarʼan, eishokoro shiriki an shine Yudea un shiwentep koro okkai poho Timoteos ari an reihei koro koikara guru an, korota, koro michi anak ne Herenes un guru ne ruwe ne na.

I Korintos 11:16

Koroka, nenka upaukoiki konoburu kuni anukara chiki, chi utara hene Kamui karisia hene nei no an buri shomo kon ruwe ne.

I Korintos 11:2

Echi utara anak ne nep ne yakka an a yakka en eshkarun gusu, samata, otta echi kore ash nei no nei oina echi shikkashima gusu ku iramye ash na.

I Korintos 11:34

Echi uwekarapa ambe anak ne iteki akokatpakte an kuni ne sambe-chinoiba guru an chiki koro chisei taibe yan. Shui, moshimap anak ne ku ek ita ku oupekare kusu ne na.

I Korintos 14:33

inambe gusu ne yakun, Kamui anak ne achatchari ambe koro Kamui shomo ne, itomo koro Kamui ne, ashkanne utara ne obitta no okai karisia otta an korachi nep ne ruwe ne.

I Korintos 16:1

Tane, ashkanne utara gusu eungeraitep umomare ambe gusu, Garatea un karisia utara otta ku ikashpaotte korachi,

I Korintos 16:10

Temoteos ek chiki, shinuma ishitoma shomoki no an kuni kara yan; inambe gusu ne yakun, kuani poka iki korachi, shinuma ne yakka Utarapa moni iki ruwe ne:

I Korintos 4:14

Echi yainikoroshmare kuni gusu tap okaibe shomo ku nuye, koroka, ku goro omap an poho utara pakashnu gusu ne na.

I Korintos 4:15

Inambe gusu ne yakun, Kiristo oshiketa ichi man nin ue epakashnu utara echi koro yakka, inne no okai michihi shomo echi kon ruwe ne: Kiristo Yesu oshiketa pirika shongo ani kuani echi shikore nisa ruwe ne gusu ne na.

I Korintos 4:2

Teda anak okaibe ashikkashimare guru anak ne ikipniukeshbe ne sekoro anukara kunip ne ruwe ne na.

I Korintos 7:17

Ouse, Utarapa anak ne pishno an ainu otta eimek nei no, Kamui anak ne pishno an guru hotuyekara nei no, ene koracki apkash yan. Obitta no okai karisia gusu nei no ku ipawetenge ruwe ne.

I Korintos 7:25

Tane, umurek guru shomo ne utara gusu Utarapa orowa no an ikashpaotte shomo ku kon ruwe ne: koroka, ikipniukeshbe ne kuni gusu Utarapa orowa no akore rampoken koro guru korachi aesanniyop ku sange na.

II Korintos 8:18

Orowa, obitta no okai karisia tumta pirika shongo gusu iramye assuru-hu koro iriwak shinuma tura omande ash okere ruwe ne;

Epesos 6:21

Koroka, echi utara anak ne kuani nekon a iki ya, en gusu an orushpe ne yakka echi nu kuni gusu, aomap an iriwak ne Utarapa otta ikipniukesh wa yaishieiwangere Tikikus anak obitta no okaibe echi nure kusu ne na:

Piripoi 2:19

Koroka kuani echi orushpe ku nu wa aomaoma kuni gusu, nahun Utarapa ne Yesu irenga gusu echi orota Timoteos ku omande kunibe koro yainu ruwe ne na.

Piripoi 2:22

Koroka, Shinuma anak ne nekon a auwande-i an a ainu ne ya sekoro echi eraman, poho koro michi ikashui korachi, shinuma pirika shongo assuru ashte-hi gusu en ikashui nisa ruwe ne na.

Korosai 1:7

echi utara gusu Kiristo koro ikipniukesh aeyaishieiwangere guru ne chikoro omap an tura iki usshiune Epapras orowa no ka echi yaihannokkara korachi ne;

Korosai 4:9

echi tumuge wano an nei ikipniukesh newa aomap an iriwak guru ne Onesimos tura ku omande ruwe ne na. Nei utara anak ne teda an orushpe obitta echi nure kushki na.

I Timoteos 1:18

Ku poho ne Timoteos, ani pirika tumi e kotumikoro iki kuni ne, teeda e kashita etoko arapa uweingarape an korachi,

I Timoteos 1:2

eishokor-i gusu son no an ku poho ne Timoteos otta kambi ku omande na: Michi ne Kamui newa chikoro Utarapa ne Kiristo Yesu orowa no irenga hemhem, rampoken hemhem, itomo hemhem echi kore an kuni akoramkon na.

II Timoteos 1:2

irenga hemhem rampoken hemhem itomo hemhem Michi ne Kamui newa chikoro Utarapa ne Kiristo Yesu orowa no an kuni akoramkon na.

II Timoteos 2:2

Orowa, inne paweteshu utara tumugeta en otta e nu okere okaibe, epakashnu eashkai sone an moshima utara otta ne yakka shikashimare yan.

II Timoteos 3:10

Koroka, aokai anak ne ku epakashnu ambe, ku iki buri, ku keutum, ku eishokor-i, ku ramu-shiporore ambe,

Titus 1:5

Tambe gusu, Krete kotan ta e ande ash nisa ruwe ne, eikohaye okaibe e shitchashnure hene ki, ku e kashpaotte ash korachi, pishno an machiya oshiketa ekashi atte hene e ki kuni ne e ande nisa;

Ekambakbe 2:10

Tane e iki kusu ne a ramushitnere okaibe gusu iteki ishitoma yan: ingarʼan, echi utara auwande kuni ne nitnep anak ne echi sereke okai utara ipakashnu chisei ta omare kuni etokooiki korʼan ruwe ne; aige, wan to uturuta echi eramchuptek kusu ne na. Rai pakno ikipniukesh no okai yan, yakun, Kuani inotu oma sapa-umbe e kore ash kusu ne na.

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.