I Korintos 3:7 - Ashiri Aeuitaknup Iyohaichish Yona 1897

⁷ Tambe gusu, etoita guru ne yakka wakka chari guru ne yakka nep ne ka aramu kunip shomo ne, koroka, shipiraspare Kamui anak aramu kunip ne ruwe ne.

I Korintos 3:7 ပူးပေါင်းရင်းမြစ်များ

Iyohaichish 115:1

UN orun shomo ne Aa Ehoba, un orun shomo ne, Koroka, E koro rampoken gusu, E koro sonep gusu, E kon reihei orun iramyere yan.

Iyohaichish 90:17

Orowa, chikoro Ehoba ne Kamui koro aekiroro an-hi un otta anro: Teke ani chi ki ikip un otta ashte wa un kore; Ruwe newa, teke ani chi ki ikip un gusu ashte wa un kore.

Yoannes 15:5

Kuani anak ne pungara Ku ne, echi utara nei ni-tek ne ruwe ne: En oshiketa an wa, samata, oshiketa Ku an guru anak ne, nei guru anak poron no ibe o ruwe ne: En oyakta an chiki nep ne yakka echi ki eaikap ruwe ne gusu ne na.

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 3:6

Kuani anak ne etoita, Aporros wakka chari; koroka, Kamui anak ne shipiraspare nisa ruwe ne.

I Korintos 3:8

Etoita guru newa wakka chari guru anak ne shinep ne: koroka, pishno pishno yaikota iki ikip an nei no yaikota koro pummaha akore kusu ne.

II Korintos 12:11

Ramat-sakbe ku ne okere: nei no ku an kuni ne echi ikichi okai; echi utara orowa no a en aashte kunip ku ne: inambe gusu ne yakun, kuani nep ka aeramu kunip shomo ku ne a yakka, iyotta pase apostoro utara pokashnu an ambe shomo ku ne ruwe ne gusu ne na.

II Korintos 12:9

Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

Garatea 6:3

Orowa, nen ne yakka nep aramu ka shomoki ita yaikota yaiokkainere guru an chiki, shinunra anak ne yaikokandama ruwe ne.