I Korintos 3:5 - Ashiri Aeuitaknup Iyohaichish Yona 1897

⁵ Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

I Korintos 3:5 ပူးပေါင်းရင်းမြစ်များ

Mattaios 25:15

Awa, shinen otta ashikne taranton kore, shinen otta tup kore, shinen otta shinep kore; nei utara pishno okai ki no an mondum ramepakari wa koropare nisa ruwe ne, orowa, payekai wa oman ruwe ne.

Roukos 1:2

inne utara nei orushpe ene ene koracki nuye kuni yainu wa kambi nuye nisa ruwe ne gusu,

Yoannes 3:27

Yoannes ese wa ene itak-hi :— Kando orowa no akore shomoki chiki, ainu nep ne yakka koro eaikap ruwe ne.

Apostoro ikip oma kambi 18:24

Orowa, Ariksandria un ikiri an eramush guru ne Aporos ari an reihei koro shine Yudea un guru anak ne Epesos kotan ta ek; Shinuma anak ne Kamui kambi-sosh gusu kiroroashnu guru ne.

Apostoro ikip oma kambi 19:1

Orowa, Aporos anak ne Korintos kotan ta an rapoketa, Pauros pena un kotan kush wa Epesos kotan ta ek,

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

I Korintos 12:28

Orowa, Kamui anak ne koro karisia oshiketa utara are okere, hoshiki no anak ne Apostoro utara ne, tu-otutanup anak ne uweingara utara ne, re ikinne an ap anak ne epakashnu utara ne, orowa, kiroro unbe okai, orowa, utara iwangere gusu an irenga okai, ikashiube okai, esapane utara okai, usa okai itak kutchama eraman utara okai ruwe ne.

I Korintos 16:12

Koroka, iriwak ne Aporros gusu anak, utara tura no echi orun shinuma ek kuni shiarikiki no ku onishnishi nisa ruwe ne: a koroka, tane ek kuni ambe anak ne aeaikapbe ne; yakka, eashkai ita ek kusu ne na.

I Korintos 3:10

En koropare an Kamui irenga nei no kuani anak ne wayashnu chisei kara esapane guru korachi asamaha ku ande nisa, aige, nei kashiketa moshima guru iki wa kan ruwe ne. Koroka, utara pishno hemanda nei kashiketa iki wa kara ya yairamatte yan.

I Korintos 3:22

Pauros hene, Aporros hene, Kepas hene, moshiri hene, inotu hene, rai ambe hene, tane an okaibe hene, ek kushki okaibe hene, obitta no okaibe echi korobe ne;

I Korintos 3:7

Tambe gusu, etoita guru ne yakka wakka chari guru ne yakka nep ne ka aramu kunip shomo ne, koroka, shipiraspare Kamui anak aramu kunip ne ruwe ne.

I Korintos 9:17

Inambe gusu ne yakun, kuani ku rengaine tambe iki yakun, iwayehe ku goro: koroka, ku rengaine shomo ne no ku ki yakun, otta aeyaishieiwangere kunip a en shikkashimare an na.

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 3:3

chikoro kambi echi ne ruwe ne; echi utara anak ne Kiristo koro kambi ne sekoro anukarabe ne, un orowa no aeiyaishieiwangere utara echi ne, sumi ani anuye ambe shomo ne, koroka, ishu Kamui kon ramat ani anuye utara echi ne; shuma ita kata shomo ne, koroka, kam oma ita kata chieshinnuyep ne ruwe ne.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 4:1

Tambe gusu, chi utara anak ne tan yaishieiwangere gusu an kunip koro wa okai gusu, aerampokiwen wa akore korachi shomo ramurai ruwe ne:

II Korintos 4:5

Inambe gusu ne yakun, chi utara anak ne yaieupas-kuma shomoki, koroka, Kiristo Yesu anak Utarapa ne korachi an orushpe eupaskuma ki, samata, Yesu korʼirenga gusu chi utara anak echi koro uitek utara chi ne sekorʼambe eupaskuma ruwe ne gusu ne na.

II Korintos 4:7

Koroka, nei shiri poro kiroro anak ne un orowa no shomo ne, Kamui orowa no an kuni gusu, toitoi op oshiketa chi utara tan ikoro kon ruwe ne;

II Korintos 5:18

Koroka, obitta no okaibe Kamui orowa no an ambe ne, awa, Shinuma anak ne Kiristo gusu yaikota epeka un eramuritenka, aige, nei aeramuritenka koeyaishi-eiwangere-hi un kore nisa ruwe ne na;

II Korintos 6:1

Orowa, ukomonraige wa iteki raka isam no Kamui irenga echi akore kuni ne ne yakka koramkoro ash ruwe ne.

II Korintos 6:4

koroka, nep ne yakka otta Kamui gusu yaishieiwangere utara chi ne korachi yaikota yairamatte no okai anro; poron no an yaiyupupu ambe otta hene, aeramchuptekbe otta hene,

Epesos 3:7

koro kiroro ikip an gusu a en koropare Kamui irenga ne korarape an korachi, kuani anak ne nei pirika shongo otta yaishieiwangerere guru ku ne ruwe ne na.

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

Korosai 1:25

otusashiri wano okai uirup ikiri otta eshina wa an mukkep ne Kamui itak uweomare kuni gusu, echi utara epeka a en kore Kamui en kara ambe nei no korachi,

I Timoteos 1:12

En eashkaire chikoro Utarapa ne Kiristo Yesu ku koyaiiraige na, Shinuma anak ne ikipniukesh guru ku ne sekoro esanniyo hine otta ku yaishieiwangere kuni ne en atte nisa ruwe ne gusu ne na;

I Petros 4:10

uweutashpa ikateonrare yan: echi utara pishno pishno aikrap akore an nei no, Kamui inne no okai irenga gusu pirika no okai ashikkashimare utara korachi,