I Korintos 3:23 - Ashiri Aeuitaknup Iyohaichish Yona 1897

²³ echi utara anak ne Kiristo korobe ne; Kiristo anak ne Kamui korobe ne ruwe ne na.

I Korintos 3:23 ပူးပေါင်းရင်းမြစ်များ

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Yoannes 17:18

Aokai anak ne moshiri otta En omande korachi, Kuani nei utara ne yakka moshiri otta Ku payere ruwe ne.

Yoannes 17:21

obitta no okai nei utara anak ne shinep ne kuni gusu ne; Aokai, Ku Michi En oshiketa an, orowa, Kuani E oshiketa an korachi, nei utara ne yakka un oshiketa okai kuni gusu ne: Aokai anak ne En omande nisa ruwe ne, sekoro moshiri eishokoro kuni gusu ne na.

Roma 14:8

Inambe gusu ne yakun, shiknu ash yakka, Utarapa gusu shiknu; rai yakka, Utarapa gusu rai ruwe ne: tambe gusu shiknu yakka, rai yakka, Utarapa korope chi ne ruwe ne.

I Korintos 11:3

Koroka, pishno an guru koro esapanep anak ne Kiristo ne sekoro echi eraman kuni ku kon rusui; mat-ainu esapanep anak ne okkai ainu ne; Kiristo esapanep anak ne Kamui ne ruwe ne.

I Korintos 15:23

Koroka, utara ebitta nei ikiri an korachi ne: hoshiki no Kiristo; orowa no, Shinuma ek ita,

I Korintos 15:28

Orowa, obitta no okaibe Shinuma orowa no aitaknure chiki, nei ita Poho anak obitta no okaibe itaknurere guru otta yaikota yai-itakanure kusu ne, Kamui anak ne obitta no okaibe otta esapanep ne kuni gusu ne na.

I Korintos 7:22

nei ambe eiwange yan. Inambe gusu ne yakun, ausshiunere wa an, aine, Utarapa gusu ahotuyekara gurʼanak ne, Utarapa koro ahonnere wa an gunʼne: nei no korachi, ahonnere wa an, aine, ahotuyekara gurʼanak ne Kiristo koro usshiune guru ne ruwe ne.

I Korintos 8:6

Kamui inne Utarapa inne ne korachi; yakka, chi utara gusu anak, Shine Kamui an, Shinuma Michi ne, Shinuma gusu obitta no okaibe okai, orowa chi utara anak ne Shinuma oshiketa okai ruwe ne; samata, Shine Utarapa an, Yesu Kiristo ne ruwe ne, Shinuma ankushkerai nep ne yakka okai, orowa chi utara anak ne Shinuma ankushkerai okai ruwe ne.

II Korintos 10:7

Echi utara anak ne echi nan kotpoketa orun ingara shiriki. Kiristo korobe ne sekoro yaioshiketa eishokoro inan guru ne yakka an chiki, yai-tura kanna-shui tambe yaikoshiramshuibarero; shinuma anak ne Kiristo korobe ne-hi korachi, chi utara ne yakka ene ani ne ruwe ne.

Garatea 3:29

Orowa, Kiristo korobe echi ne yakun, Abraham koro sanike echi ne, aige, eitakamkirep an korachi eikeshkoro utara echi ne ruwe tapan na.

Garatea 5:24

Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.

Epesos 1:10

tap ambe anak ne epa kuni paha epa ita Shinuma gusu aesanniyo kando otta an okaibe ne yakka, toi kata an okaibe ne yakka, obitta no an okaibe Kiristo otta aukotamgere kuni gusu an ambe ne;