I Korintos 3:10 - Ashiri Aeuitaknup Iyohaichish Yona 1897

¹⁰ En koropare an Kamui irenga nei no kuani anak ne wayashnu chisei kara esapane guru korachi asamaha ku ande nisa, aige, nei kashiketa moshima guru iki wa kan ruwe ne. Koroka, utara pishno hemanda nei kashiketa iki wa kara ya yairamatte yan.

I Korintos 3:10 ပူးပေါင်းရင်းမြစ်များ

Mattaios 24:45

Chisei koro guru koro chisei epunginere ausshiunere kipniukesh wayashnu utara nen ne ruwe he an? Nei utara otta nei pakihi epa ita aep koropare kusu ne.

Mattaios 7:24

Tambe gusu, tap Ku ye itak nu wa nei no ki utara anak ne, watara kata koro chisei kara wayashnu guru ukoheraye ruwe ne:

Roukos 11:35

Tambe gusu, e oshiketa okai pekere anak ne ekureok shomo ne kuni esanniyo yan.

Roukos 21:8

Orowa, Shinuma ene itak-hi :— Iteki moshima guru echi kokandama kuni ne yaitubare yan: inambe gusu ne yakun, inne utara Ku reihei ani hine araki wa :— Kuani Shinuma ne, ani itak pakihi ehange no an: nei utara otta iteki paye yan.

Apostoro ikip oma kambi 18:27

Orowa, shinuma Akaia kotan orun kush wa oman kuni aramu chiki, iriwak utara anak ne shinuma reiki, orowa, auk kuni ne koikara utara orun kambi omande nisa ruwe ne: aige, ek chiki, shinuma anak ne Kamui irenga gusu eishokoro utara poron no ikashiu nisa ruwe ne:

Roma 1:5

Chikoro Utarapa ne Yesu Kiristo ne; Shinuma ani irenga newa Apostoro ne kuni mondum a un koropare nisa, tambe anak shinuma kon reihei rengap gusu obitta no okai moshiri uirup tumugeta eishokor-i oma itaknu ambe akire kuni ambe ne:

Roma 12:3

Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

Roma 15:15

Koroka, pon no ka naa rametok kon no echi utara gusu ku nuye, aige, shui echi eshkarunde ruwe ne,

Roma 15:20

ruwe un, moshima guru aande asamaha kata shomo ku iki kuni ne, otta Kiristo orushpe naa shomo anure ushiketa, nei pirika shongo eupaskuma kuni otupekari ku ki nisa ruwe ne;

I Korintos 3:11

Inambe gusu ne yakun, aande okere asamaha moshima inan guru ne yakka asamaha ande eaikap ruwe ne gusu ne na; nei asamaha anak Yesu Kiristo ue ruwe ne.

I Korintos 9:2

Moshima okai utara epeka apostoro shomo ku ne a yakka, echi utara gusu poka nei no ku an ruwe ne: samata, Utarapa oshiketa ku ki Apostoro kunip gusu an han echi ne ruwe ne.

II Korintos 10:15

moshima utara iki ikip gusu eetasa poron no yaiomonnure shomoki; koroka, echi eishokor-i attep shukup korachi, chi utara ikichi ikiri nei no naa nuye an no an ambe hetukure, gusu echi tumta a un porore kuni chipachipa ash ruwe ne;

Epesos 2:20

Apostoro newa uweingara utara kashiketa asama aande wa akarabe an utara echi ne, Kiristo Yesu yaikota nei sapane shikkeu nep ne ruwe ne;

Korosai 1:29

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

Korosai 4:17

Orowa, Arkippos orun ene itak yan:— Utarapa orowa no akore an otta e iki kuni yaishieiwangere ambe aomare kuni ne yaitubare yan.

I Tessaronike 3:2

aige, echi roshkire hemhem ki, echi iki eishokor-i gusu aomaoma hemhem ki gusu, Kiristo koro pirika shongo gusu Kamui otta yaishieiwangere guru chikoro iriwak ne Timoteos echi orun arapare nisa ruwe ne;

I Timoteos 4:16

Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

II Timoteos 2:15

Oupeka no sone an itak koro, yainikoroshma kuni ika sak no an monraige guru nepkoro, Kamui iramye nei no an guru korachi yaikoropare kuni ne shiarikiki no iki yan.

Yakob 3:1

Ku iriwak utara, chi utara anak ne naa yupke no aesanniyo wa akoipishi kusu ne sekorʼambe eraman wa inne no echi utara anak ne iteki epakashnu utara ne yan.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

II Petros 3:15

Orowa, chikoro Utarapa ramu-shiporore-hi anak ne kashiobiuki ambe ne sekoro esanniyo yan; chikoro omap an iriwak ne Pauros ne yakka orota akore wayashnu-i korachi echi gusu nuye nei no ki yan; Shinuma anak ne obitta nuye kambi kata poka tap okaibe gusu ye na;

Ekambakbe 21:14

Orowa, nei machiya koro ekashi otta tu ikashima wan asamaha okai, aige, kashita nei Pon-hitsuji koro Apostoro tu ikashima wan reihei an ruwe ne na.

Ekambakbe 21:19

Machiya ekashi koro asamaha anak ne obitta no an usa okai nupuru shuma ani atomtere an na Atpake an asama anak ne kongoseki ne; tu ikinne an ap anak ne shiunin-shuma ne; re ikinne an ap anak ne fure-shuma ne; ine ikinne an ap anak ne midori-shuma ne; ashikne ikinne an ap anak ne kurenai meno-shuma ne;