I Korintos 2:6 - Ashiri Aeuitaknup Iyohaichish Yona 1897

⁶ Yakka aeramushinne okere utara tumugeta wayashnu ambe chi ye, aine, nei wayashnu-hi anak ne tan moshirʼun wayashnu ambe shomo ne, shui, isam kushki tan moshirʼun epungine utara korobe shomo ne ruwe ne:

I Korintos 2:6 ပူးပေါင်းရင်းမြစ်များ

Iyohaichish 146:4

Shinuma heisepa oashin, toitoi orun shinuma hoshipi; Nei toho ta shinuma esanniyo yainu-hi ush ruwe ne.

Iyohaichish 33:10

Ehoba anak ne oya utara ki ukoramkoro ambe isamka: Moshirʼun utara oshke yainu-hi raka-sakte nisa ruwe ne.

Iyohaichish 37:37

Aeramushinne guru ingara, oupeka guru orun nukara yan: Nei guru okese-i anak ne itomo ne ruwe ne gusu ne na.

Mattaios 13:22

Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

Mattaios 19:21

Orota Yesu ene itak-hi :— Uhaita sak no an kuni e kon rusui chiki anak ne, oman wa e korobe eihok, orowa, irapokkari guru otta kore, yakun, kando oshiketa ikoro koro kusu ne: orowa, ek wa En osh ek yan.

Mattaios 5:48

Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.

Roukos 16:8

Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

I Korintos 1:28

orowa, an okaibe isamka kuni ne Kamui, tan moshirʼun nupanbe newa aepange okaibe, — nei isam okaibe numge nisa ruwe ne:

I Korintos 12:8

Inambe gusu ne yakun, Shinen otta wayashnu itak Ramat ani akore; moshima guru otta une no an Ramat orowa eramush itak akoropare:

I Korintos 14:20

Iriwak utara, keutum gusu iteki pon utara ramkoro yan: yakka wenbe gusu aiai korachi okai, koroka,

I Korintos 2:1

Orowa, iriwak utara, echi otta ku ek ita anak ne pawetokkoro itak ani hene wayashnu itak ani hene Kamui nuinap echi orun eupaskuma shomoki nisa ruwe ne.

I Korintos 2:13

Nei okaibe ka chi ye, ainu wayashnu ambe epakashnu itak ani shomo ne, koroka, Ramat epakashnup ani ye ruwe ne; ramat oma okaibe ani ramat oma okaibe ukonukara wa iki ruwe ne na.

I Korintos 2:8

tan moshiri epungine utara obitta erampeutek ruwe ne: inambe gusu ne yakun, nei utara eraman chiki, nupeki koro Utarapa utasa chikuni otta kungi kokikkik shomoki a nangon na:

I Korintos 3:1

Orowa, iriwak utara, kuani anak ne ramat oma utara otta korachi echi otta ku ye eaikap, koroka, kam oma utara otta korachi Kiristo gusu aiai utara otta korachi ku ye nisa.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 13:11

Orowa, ku iriwak utara, sarampa. Aeramushinne no okai yan, aomaoma no okai yan; shine keutum koro yan; itomo an no okai yan; aine, omap ambe newa itomo koro Kamui echi tura no an kusu ne.

II Korintos 4:3

Koroka, chi ye pirika shongo akamure chiki, aisamka korʼan utara gusu akamure ruwe ne:

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Korosai 1:28

chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

Hebraios 5:14

Koroka, nishte aep anak ne shukup okere utara gusu an ambe ne, eiwange gusu koro mondum-kat anak ne pirikap newa wenbe shinnai-are utara gusu nep ne ruwe ne.

Hebraios 6:1

Tambe gusu, Kiristo atpake an itak moshima no an wa aeramushinne an ap shikkashima anro; rai an ikip gusu shui yaikokatpak asamaha hemhem,

Yakob 3:15

Tapne an wayashnu-i anak ne rik orowa no ran ap shomo ne, koroka, moshiri umbe ne, rengaine an keutum umbe ne, nitne kamui umbe ne ruwe ne.

Yakob 3:2

Inambe gusu ne yakun, inne no okaibe gusu chi utara obitta ureepetchiu ruwe ne gusu ne na. Itak gusu ureepetchiu shomoki guru an chiki, shinuma anak aeramushinne ainu ne, kon netobake ne yakka ebitta shikkashima eashkaibe ne.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.