I Korintos 2:13 - Ashiri Aeuitaknup Iyohaichish Yona 1897

¹³ Nei okaibe ka chi ye, ainu wayashnu ambe epakashnu itak ani shomo ne, koroka, Ramat epakashnup ani ye ruwe ne; ramat oma okaibe ani ramat oma okaibe ukonukara wa iki ruwe ne na.

I Korintos 2:13 ပူးပေါင်းရင်းမြစ်များ

Roukos 12:12

inambe gusu ne yakun, nei ita anak ne nekon a itak ani echi itak kusu ne ap, Ashkanne Ramat echi epakashnu kusu ne na.

Apostoro ikip oma kambi 2:4

Orowa nei utara Ashkanne Ramat ani aeshik, aige, nei Ramat yere korachi, oya moshirʼun itak ani itak heashire nisa ruwe ne.

I Korintos 1:17

Inambe gusu ne yakun, baptisma kore kuni ne Kiristo anak ne en omande shomoki; koroka, Pirika shongo eupaskuma kuni gusu en omande nisa ruwe ne: itak wayashnu ambe ani shomo ne, ikineipeka Kiristo koro utasap ika arakasakte kuni gusu ne na.

I Korintos 14:2

Inambe gusu ne yakun, oya un itak ani ye gurʼanak ne ainu utara otta itak shomoki, koroka, Kamui otta itak ruwe ne, ainu anak ne itak inu shomoki ruwe ne, koroka, ramat ani mukkep ye ruwe ne.

I Korintos 2:1

Orowa, iriwak utara, echi otta ku ek ita anak ne pawetokkoro itak ani hene wayashnu itak ani hene Kamui nuinap echi orun eupaskuma shomoki nisa ruwe ne.

I Korintos 2:14

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

I Korintos 2:4

Aige, echi koro eishokor-i anak ne utara koro wayashnu ambe ta an shomoki, koroka, Kamui kiroro ta an kuni ne,

I Korintos 9:11

Echi utara gusu ramat unbe chi etoita chiki anak ne echi koro kam unbe chi nange yak porobe ne ruwe he an?

Epesos 5:19

iyohaiochish ani hene, shinotcha ani hene, ramat oma yairap ani hene, uweutashpa itak, orowa, koro keutum ta Utarapa gusu shinotcha ki wa hau ashte yan;

Korosai 3:16

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

II Petros 1:16

Inambe gusu ne yakun, echi utara anak ne chikoro Utarapa ne Yesu Kiristo koro kiroro newa ek an-i echi nure ash ita, ashkai no aoshke uwepekere koro wa ki shomoki, koroka, chi utara anak ne Shinuma koro poro pase ambe shiki ari nukara utara chi ne ruwe ne gusu ne na.