I Korintos 2:1 - Ashiri Aeuitaknup Iyohaichish Yona 1897

¹ Orowa, iriwak utara, echi otta ku ek ita anak ne pawetokkoro itak ani hene wayashnu itak ani hene Kamui nuinap echi orun eupaskuma shomoki nisa ruwe ne.

I Korintos 2:1 ပူးပေါင်းရင်းမြစ်များ

Apostoro ikip oma kambi 20:21

Kamui gusu yaikokatpak, Utarapa ne Yesu Kiristo gusu eishokor-i atte kuni paweteshu ku ki nisa rawe ne.

Apostoro ikip oma kambi 22:18

Tunasbino ran wa Yerusarem kotan wano oman yan, inambe gusu ne yakun, En gusu e ye paweteshu arabe nei utara shomo uk kusu ne ruwe ne gusu ne na.

Roma 16:18

Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

Roma 16:25

Orosama, ku sange shongo newa Yesu Kiristo aeupaskuma ambe an nei no, otusashuishiri wano an pakihi pakno anu shomoki no ashikkashima, koroka,

I Korintos 1:17

Inambe gusu ne yakun, baptisma kore kuni ne Kiristo anak ne en omande shomoki; koroka, Pirika shongo eupaskuma kuni gusu en omande nisa ruwe ne: itak wayashnu ambe ani shomo ne, ikineipeka Kiristo koro utasap ika arakasakte kuni gusu ne na.

I Korintos 1:6

echi utara oshiketa Kiristo gusu an paweteshu ambe anak ne atumashnure wa an korachi ne:

I Korintos 2:13

Nei okaibe ka chi ye, ainu wayashnu ambe epakashnu itak ani shomo ne, koroka, Ramat epakashnup ani ye ruwe ne; ramat oma okaibe ani ramat oma okaibe ukonukara wa iki ruwe ne na.

I Korintos 2:4

Aige, echi koro eishokor-i anak ne utara koro wayashnu ambe ta an shomoki, koroka, Kamui kiroro ta an kuni ne,

I Korintos 2:7

koroka, anuina no an ambe ani Kamui wayashnu ambe chi ye, nei ambe anak ne anuina wa an, awa, chikoro nupeki gusu moshiri etoko wano aesanniyo okerep ne:

II Korintos 10:10

Inambe gusu ne yakun, shinuma ette kambi anak ne pase newa yupkep ne: koroka, koro tumama kat anak katchakbe ne, koro itak nep ne aramu kunip shomo ne ruwe ne, ani nei utara ye ruwe ne gusu ne na.

II Korintos 11:6

Koroka, itak gusu ramat-sakbe ku ne a yakka, eramushbe gusu ramat-sakbe shomo ku ne; son no newa, echi utara gusu obitta no okai utara tumugeta nep ne yakka sarare ash nisa ruwe ne.

II Tessaronike 1:10

Utarapa koro nanuhu newa Shinuma koro kiroro oma nupeki orowa no otusashuishiri pakno akoisamka kusu ne na.

I Timoteos 1:11

tambe anak en shikkashimare shinnunuke an Kamui arakuru gusu an pirika shongo nei no an ap ne ruwe ne na.

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

I Yoannes 4:14

Orowa chi nukara, awa, Michi anak ne moshiri kashiobiukip ne kuni gusu nei Poho ette nisa ruwe ne ari an ambe paweteshu chi ki ruwe ne.

Ekambakbe 1:2

nei guru anak ne Kamui itak gusu hemhem, Yesu Kiristo koro paweteshu ambe gusu hemhem, nep ne yakka shinuma nukarabe gusu hemhem paweteshu ki nisa ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.