I Korintos 16:9 - Ashiri Aeuitaknup Iyohaichish Yona 1897

⁹ inambe gusu ne yakun, en gusu poro newa iki kuni eashkai apa asarare wa an, samata, epokba utara inne ruwe ne gusu ne na.

I Korintos 16:9 ပူးပေါင်းရင်းမြစ်များ

Apostoro ikip oma kambi 14:27

Aige, araki wa karisia uwekarapare chiki, tura no Kamui ikichi obitta no okaibe hemhem, Oya uirup gusu eishokor-i kuni an apa Shinuma maka orushpe hemhem ye wa nure nisa ruwe ne.

I Korintos 15:32

ani an ambe ani ku ye ruwe ne. Ainu korachi Epesos kotan ta chikoikip tura ku koiki yakka, nep a en epirikarep an a? Rai-guru hetopo-ashiknure shomoki chiki, hetak, nishatta rai ash kusu ne gusu ibe hemhem ki iku hemhem ki yanro.

II Korintos 1:6

Koroka, chi utara anak ne aeramchuptekka chiki echi aomaoma kuni gusu hene echi kashiaobiuki kuni gusu hene an ambe ne; shui, chi utara aomaoma an chiki, nei ambe anak chi utara poka iki ukorachi an aeramchuptekbe echi ramu-shiroma no eyaishipororere kuni gusu an omaoma ambe ne ruwe ne gusu ne na:

II Korintos 2:12

Kiristo pirika shongo gusu Troas otta ku ek ita, shui, Utarapa oshiketa en gusu apa asarare wa an ita anak ne,

Piripoi 3:18

Inambe gusu ne yakun, gusu kanna-kanna echi nure ash utara, samata, tane ku chish poka echi nure ash inne utara apkash, aige, Kiristo koro utasap gusu keshke utara ne ruwe ne;

Korosai 4:3

samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

Yakob 5:16

Tambe gusu, echi ki katpak utashpa uwe-eyaipushi yan, echi utara aiwangere kuni ne uweutashpa gusu inonno-itak ki yan. Oupeka guru ki inonno-itak anak ne porobe iki ruwe ne na.