I Korintos 15:57 - Ashiri Aeuitaknup Iyohaichish Yona 1897

⁵⁷ katpak koro kiroro anak tuitak ne: koroka, chikoro Utarapa ne Yesu Kiristo gusu un annokare Kamui otta koyaiiraige na.

I Korintos 15:57 ပူးပေါင်းရင်းမြစ်များ

Iyohaichish 98:1

ASHIRI shinotcha ani Ehoba otta shinotcha ki; Aoyamoktep ki nisa ruwe ne gusu ne na: Koro shimon teke, koro Ashkanne amunin ani Shinuma gusu kashiobiuki ambe ki nisa ruwe ne na.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Apostoro ikip oma kambi 27:35

Orowa, shinuma tambe ye okere chiki aep uina, orowa, obitta no okai utara kotchaketa Kamui koyaiiraige: aige, nei ambe meshpa wa ibe heashi nisa ruwe ne.

Roma 7:25

Chikoro Utarapa ne Yesu Kiristo ankushkerai gusu, Kamui koyaiiraige na. Tambe gusu, kuani yaikota koro keutum ani Kamui tuitak otta yaiusshiunere ruwe ne; koroka, kam ani katpak tuitak otta ne ruwe ne.

Roma 8:37

Son no un, obitta tap okaibe gusu un omap guru ankushkeraipo annokara kashpa ki utara chi ne ruwe ne.

I Korintos 15:51

Ingara yan, mukke an ap echi nure ash na :— Obitta no okai chi utara anak ne mokoro shomoki kusu ne, koroka, ekushkonna, shine shik inraprapu otta, okaketa rappa hau aashte ita anak ne, chi utara aitasare no akara kusu ne;

II Korintos 1:11

echi utara ne yakka, koramkoro ki hine utura ikashiu ruwe ne; tambe anak, inne utara ankushkerai aikrap a un koropare an gusu, chi utara gusu inne utara yaiiraige ki kuni gusu an ambe ne ruwe ne na.

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

II Korintos 9:15

Koro ye eaikap pakno an eikrap gusu Kamui koyaiiraige an na.

Epesos 5:20

ramma nep ne yakka gusu chikoro Utarapa ne Yesu Kiristo kon reihei ankushkerai akoro Michi ne Kamui otta koyaiiraige ki;

Hebraios 2:14

Poho utara anak ne kem newa kam utura kon ruwe ne gusu, Shinuma yaikota ne yakka shem korachi nei ambe kon ruwe ne; tambe anak Shinuma rai ambe ani nitne kamui ari aye rai-i kiroro korobe isamka kuni gusu ne na;

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 21:4

orowa, Shinuma anak ne nei utara koro shikihi otta pishno an nupe piruba wa isamka kusu ne; samata, rai-ambe naa isam; orowa, tewa no poka yaituwashkarap isam, chish ambe isam, aiuninka ambe isam kusu ne: atpake an ambe isam wa okere ruwe ne na.