I Korintos 15:54 - Ashiri Aeuitaknup Iyohaichish Yona 1897

⁵⁴ Koroka, tan munin kuni okaibe anak ne shomo muninbe ani mire, orowa tan rai kuni ambe shomo rai-ambe utomchiure chiki, nei ita :— Rai-i aannokara wa aisamka sekorʼan itak auweomare kusu ne gusu ne a ambe ne ruwe ne.

I Korintos 15:54 ပူးပေါင်းရင်းမြစ်များ

Roukos 20:36

orowa, shui nei utara anak ne naa rai eaikap: Kamui hauturumbe nei no okaibe ne; orowa, hetopo-shiknu poho ne gusu Kamui poho ne ruwe ne.

Roma 1:23

chikap hene, ine chikiri koro chikoikip hene, honoyanoya wa payep hene koro nokaha un katuhu ne kan nisa ruwe ne na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 6:12

Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;

Roma 8:11

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

II Korintos 4:11

Yesu koro inotu poka chikoro rai kuni kam oshiketa anukara kuni ne, ishu wa okai chi utara anak ne ramma kane Yesu rengap gusu rai-i orota aekoshi shiriki an ruwe ne.

II Korintos 5:4

Son no poka tan kash oshiketa okai chi utara anak ne pase no ashikere wa oromande; tambe anak ashirarayere rusuibe gusu shomo ne, koroka, kashi chiutomchiure rusuibe gusu ne, aige, rai kuni ambe anak ne inotu ani aruki kuni gusu ne na.

II Tessaronike 1:10

Utarapa koro nanuhu newa Shinuma koro kiroro oma nupeki orowa no otusashuishiri pakno akoisamka kusu ne na.

Ekambakbe 20:14

Orowa, rai-i newa Hedes anak ne abe to orota aeyapkiri. Tambe anak, tan abe to anak ne, tutanu an rai ambe ne ruwe ne.

Ekambakbe 21:4

orowa, Shinuma anak ne nei utara koro shikihi otta pishno an nupe piruba wa isamka kusu ne; samata, rai-ambe naa isam; orowa, tewa no poka yaituwashkarap isam, chish ambe isam, aiuninka ambe isam kusu ne: atpake an ambe isam wa okere ruwe ne na.