I Korintos 15:52 - Ashiri Aeuitaknup Iyohaichish Yona 1897

⁵² inambe gusu ne yakun, nei rappa humi aashte wa rai utara anak iteki munin kuni-hi otta hetopo-a-shiknure,

I Korintos 15:52 ပူးပေါင်းရင်းမြစ်များ

Iyohaichish 73:19

Hemanda nei utara anak ne kuripanpange no awende humi! Ishitoma wa nei utara ara aisamka ruwe ne.

Mattaios 24:31

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Yoannes 5:25

Son no son no echi otta Ku ye :— Rai guru anak ne Kamui Poho hawe nu, orowa, un utara shiknu kusu ne pakihi ek, tane nei pakihi an ruwe ne.

Yoannes 5:28

Tambe gusu iteki enushkari: inambe gusu ne yakun, iyurui oshiketa okai utara obitta Shinuma koro hawe nu wa soyumba pakihi ek ruwe ne gusu ne na; pirikap ki utara anak ne inotu otta hetopo-shiknu;

I Korintos 15:23

Koroka, utara ebitta nei ikiri an korachi ne: hoshiki no Kiristo; orowa no, Shinuma ek ita,

I Korintos 15:42

Rai-guru hetopo-a-shiknure-i ne yakka nei no an ruwe ne.

I Korintos 15:50

Iriwak utara, tambe ku ye :— Kam newa kem anak ne Kamui moshiri eikeshkoro eaikap ruwe ne; samata, munin kunip anak ne shomo muninbe eikeshkoro shomoki ruwe ne.

I Tessaronike 4:15

Utarapa itak ani tambe echi orun chi ye, shiknu wa okai chi utara, Utarapa ek-hi pakno okai utara anak, son no poka mokonnoye utara etokota paye shomoki kusu ne.

II Petros 3:10

Koroka, Utarapa tobo anak ne ikka guru korachi ek kusu ne; nei ita kando anak ne poro humi ashte wa isama, orowa, kando orunbe shiri seisek wa nin, orowa, toitoi hene otta okai ikip hene auhuyeka wa aisamka kusu ne na.

Ekambakbe 8:13

Orowa, ku nukara, awa, kando noshke hopumba shiriki an shine kapachiri poro hawe ani ene ene ye ambe ku inu :— Naa okaketa humi ashte kusu ne nei re hauturumbe koro rappa koro moshima an hawe gusu moshiri kata oshiroma utara eyaisambepokash, eyaisambepokash, eyaisambepokash humi.

Ekambakbe 8:2

Orosama, Kamui kotchaketa roshki nei arawan hauturumbe ku nukara; awa, nei hauturumbe otta arawan rappa akore nisa ruwe ne.