I Korintos 15:28 - Ashiri Aeuitaknup Iyohaichish Yona 1897

²⁸ Orowa, obitta no okaibe Shinuma orowa no aitaknure chiki, nei ita Poho anak obitta no okaibe itaknurere guru otta yaikota yai-itakanure kusu ne, Kamui anak ne obitta no okaibe otta esapanep ne kuni gusu ne na.

I Korintos 15:28 ပူးပေါင်းရင်းမြစ်များ

Iyohaichish 18:39

Tumi ku koro kuni ne kiroro ani Aokai en koshaye; En epokba utara Aokai en choropoketa annokara nisa ruwe ne na.

Iyohaichish 18:47

En gusu ikemnu ki Kamui, Utara en choropoketa rapokikara Kamui ka anunuke an.

Yoannes 14:28

Ku oman wa shui echi otta Ku ek kusu ne ani an itak ani Ku ye-hi echi nu nisa. Echi utara En omap yakun, Kuani Michi otta Ku arapa gusu echi yaikopuntek kusu ne: En kasu no Michi anak ne pase ruwe ne gusu ne na.

I Korintos 11:3

Koroka, pishno an guru koro esapanep anak ne Kiristo ne sekoro echi eraman kuni ku kon rusui; mat-ainu esapanep anak ne okkai ainu ne; Kiristo esapanep anak ne Kamui ne ruwe ne.

I Korintos 12:6

Iki ikip ki kuni-hi anak ne usaine okai, koroka, obitta no okaibe oshiketa nep ne yakka iki Kamui anak, une no an Kamui ne ruwe ne.

I Korintos 15:29

Shomo ne chiki, rai-guru gusu baptisma akore utara anak ne nekon a ki kusu ne ya? Rai-guru hetopo-a-shiknure shomoki yakun, hemanda nei utara gusu baptisma akore ruwe he an?

I Korintos 3:23

echi utara anak ne Kiristo korobe ne; Kiristo anak ne Kamui korobe ne ruwe ne na.

Epesos 1:23

chikiri choropoketa ande wa itaknure, samata, koro netobake ne, ani nep ne yakka shikte Kamui koro shikte-i ne, karisia gusu obitta no okaibe esapanere nisa ruwe ne na.

Piripoi 3:21

Shinuma anak ne ani obitta no okaibe yaikota otta itaknure eashkai iki-hi nei no an no chikoro aeoripakka an netobake ashinno kara hine koro nupeki an netobake korachi kara kusu ne na.

Korosai 3:11

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.