I Korintos 14:6 - Ashiri Aeuitaknup Iyohaichish Yona 1897

⁶ Koroka, tane iriwak utara, ku ek ita oya un itak ani ye, aige, anukarape gusu hene, eramushbe gusu hene, uweingarape gusu hene, epakashnu ambe gusu hene ku iki shomoki yakun hemanda echi epirikare ash kusu ne ya?

I Korintos 14:6 ပူးပေါင်းရင်းမြစ်များ

Mattaios 11:25

Nei ita Yesu ese wa ene itak-hi :— Kando newa moshiri koro Utarapa ne Ku Michi, tan orushpe wayashnu utara newa oramush utara gusu nuina wa aiai otta nukare nisa ruwe ne gusu, Ku yaiiraige ash na:

Mattaios 16:17

Orowa, shinuma otta Yesu ese wa ene itak-hi :— Simon Bar-Yona, tap ambe e epakashnu gurʼanak ne kam newa kem shomo ne, kando otta an Ku Michi anak tan orushpe e eramande nisa ruwe ne gusu, anunuke ainu e ne ruwe ne.

Mattaios 16:26

Inambe gusu ne yakun, Ainu anak ne moshirʼebitta eyaiepirikare wa kon ramat eyaiewende yak anak ne, hemanda ani aeyaiepirikare ruwe he an? Orowa, ramat shirihine ainu anak ne nep koropare ruwe he an?

Apostoro ikip oma kambi 2:42

Awa, nei utara ramma-kane Apostoro epakashi koro hine tura no ukopoye, aine, nei pan meshpa hemhem ki nei inonno-itak hera hem ki shiriki okai nisa ruwe ne na.

Roma 15:14

Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.

Roma 16:17

Iriwak utara, echi aepakashnu epakashi echutko no, uwekoppa newa aepetchiure kunip hetukure utara eshishi kuni echi onishnishi ash na.

Roma 6:17

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

I Korintos 10:33

Kuani anak ne nep ne yakka gusu obitta no okai utara nupetnere korachi nep, aine, utara kashiaobiuki gusu inne no okai utara epirikare kuni esanniyo wa yaikota eyaiepirikare ambe shomo yainu korachi ne ruwe ne na.

I Korintos 14:1

Omap ambe keseamba yan; yakka, makangane uweingara ki eashkai kuni ne ramuosshi wano ramat unbe kon rusui no okai yan.

I Korintos 14:7

Inotu sak no an okaibe poka, fuyetop yakka, koto yakka, humi aashte ita, uweshinnai no rek shomoki chiki, hemanda ani aashte hawe arekte hawe araman an a?

II Korintos 11:6

Koroka, itak gusu ramat-sakbe ku ne a yakka, eramushbe gusu ramat-sakbe shomo ku ne; son no newa, echi utara gusu obitta no okai utara tumugeta nep ne yakka sarare ash nisa ruwe ne.

II Korintos 12:1

Aepirikare kunip shomo ne a yakka, nekon a ka ku yaiomonnure ruwe ne; koroka, Utarapa orowa no an anukarape tane ku ye.

II Korintos 12:7

Orowa, nei anukarabe shiri porobe an ikkeu ne gusu-tambe gusu, iteki mashkin no a en aeyairiknare kuni ne, en shirikik gusu kam oshiketa nit ai, Satan koro auitekbe, a en kore nisa, tambe anak iteki mashkin no ku yairiknare kuni gusu an ambe ne ruwe ne.

Epesos 1:17

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

Epesos 3:4

en eramande ruwe ne; nei ambe echi oro-oitak chiki, kuani Kiristo koro mukkep ku eraman ambe echi onnere kusu ne na;

Piripoi 3:15

Tambe gusu, aeramushinne okere obitta no okai chi utara anak ne nei no esanniyo ashro; orowa, nep okaibe gusu shinnai no echi sanniyo chiki tambe poka Kamui anak ne echi eramande kusu ne:

II Timoteos 2:14

Tapan okaibe gusu nei utara eshkarunde yan, aige, ani eyaiepirikare eaikapbe, nu utara oheugere kuni itak gusu upahunara ambe nei utara itek iki kuni ne Utarapa kotchaketa kashpaotte yan.

II Timoteos 3:10

Koroka, aokai anak ne ku epakashnu ambe, ku iki buri, ku keutum, ku eishokor-i, ku ramu-shiporore ambe,

II Timoteos 3:16

Nep Ashkanne kambi ne yakka obitta Kamui pariri, aige, epakashnu gusu hemhem, shirosh ne gusu hemhem, oupekare gusu hemhem, oupeka an ambe epeka pakashnu gusu hemhem epirikare ambe ne:

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Titus 3:8

Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

Hebraios 13:9

Usa okai newa oya an epakashi gusu iteki aeyaiutumashire yan: inambe gusu ne yakun, irenga gusu keutum aeumashnure ambe pirika ruwe ne; otta apkash utara anak ne shomo eyaiepirikare aep gusu shomo ne na.

II Petros 1:5

Ruwe newa, tapan ikkewehe an gusu obitta no okai yuptek-hi echi kashiomare yan, echi ki eishokor-i otta pirika ambe iyo; orowa, pirika ambe otta eraman-i iyo;

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

II Yoannes 1:9

Nen ne yakka iki wa Kiristo koro epakashi otta oshiroma shomoki gurʼanak ne, Kamui koro shomoki ruwe ne: Shinuma koro epakashi otta oshiroma gurʼanak ne, Shinuma anak Michi hemhem Poho hemhem kon ruwe ne na.