I Korintos 14:34 - Ashiri Aeuitaknup Iyohaichish Yona 1897

³⁴ Karisia onnaigeta shiwentep anak ne mo no an yak pirika: nei utara ye kuni shomo aeramuoshma, koroka, tuitak ta aye-hi korachi, nei utara aitaknurere yan ari an ambe an ruwe ne gusu ne na.

I Korintos 14:34 ပူးပေါင်းရင်းမြစ်များ

I Korintos 11:13

Echi utara yaitumta esanniyo yan: mat-ainu anak ne sapa akamure shomoki no Kamui otta inonno-itak ki ambe anak pirika ruwe he an?

I Korintos 11:3

Koroka, pishno an guru koro esapanep anak ne Kiristo ne sekoro echi eraman kuni ku kon rusui; mat-ainu esapanep anak ne okkai ainu ne; Kiristo esapanep anak ne Kamui ne ruwe ne.

I Korintos 11:5

Koroka, inan mat-ainu ne yakka sapa akamure shomoki no inonno-itak hene ki uweingara hene ki chiki koro sapa otta shomo yaikatanu ki: inambe gusu ne yakun, nei no an wa iki chiki, otop amemke ukorachi ne ruwe ue na.

I Korintos 14:21

keutum gusu rupne utara nei no okai yan. Tuitak kata ene chieshinnuye wa an na :— Oya un itak koro utara ani, Oya un utara koro papush ani, kuani tan uirup otta ku itak kusu ne; aige, nei no iki yakka i en nu shomoki kusu ne, sekoro Utarapa ye ruwe ne.

I Korintos 14:35

Orowa, nei utara nepka nu rusui chiki, koro uni ta koro hoku otta uwepekennu yak pirika: inambe gusu ne yakun, karisia oshiketa shiwentep ye-hi anak ne yainikoroshma ambe ne ruwe ne gusu ne na.

Epesos 5:33

Yakka, echi utara pishno yaikota yaiomap korachi yaikota koro machi omap yan; orowa, machi ne guru anak ne koro hoku ko-oripak yan.

Korosai 3:18

Machi ne utara, Utarapa gusu kopakeat kuni ne echi koro hoku otta koitaknu yan.

Titus 2:5

koro poho utara koomap kuni ne kara yan, shui, keutum yaieashirikara, turu-sak, koro uni ta monraige, ramu-hauge, Kamui itak iteki akoatcha kuni ne yaikota koro hoku koitaknu kuni kara yan: