I Korintos 14:31 - Ashiri Aeuitaknup Iyohaichish Yona 1897

³¹ Inambe gusu ne yakun, echi utara obitta shinen shinen ne uweingara ki eashkai, aige, obitta no okai utara aepashnu wa aonishnishi kuni gusu ne na,

I Korintos 14:31 ပူးပေါင်းရင်းမြစ်များ

Roma 1:12

nei ambe anak ne echi tura no ku an wa echi korobe ne yakka ku korobe ne yakka uko-iki eishokor-i ani tura no aomaoma kuni gusu an ap ne ruwe ne.

I Korintos 14:19

yakka, karisia tumta nei chiki Oya un itak ani shine ichi man itak ani aye-hi kasu no, ani moshima utaia epakashnu gusu ashikne aeraman no an itak ani ku ye kuni ku konoburu ruwe ne.

I Korintos 14:3

Uweingara ki guru anak ne aroshikire gusu hemhem, aomaoma gusu hemhem, onishnishi gusu hemhem ki ruwe ne.

I Korintos 14:30

Koroka nei samaketa a guru otta aeramandep an chiki, hoshiki no an guru mo no an yak pirika.

I Korintos 14:32

orowa, uweingara kuni gusu an ramat anak ne uweingara utara aitaknure ruwe ne;

I Korintos 14:35

Orowa, nei utara nepka nu rusui chiki, koro uni ta koro hoku otta uwepekennu yak pirika: inambe gusu ne yakun, karisia oshiketa shiwentep ye-hi anak ne yainikoroshma ambe ne ruwe ne gusu ne na.

II Korintos 1:4

ani chi utara Kamui orowa no aomaoma an nunuke ambe ari, nep aeramchuptek utara chi omaoma eashkai kuni ne, nep aeramchuptekbe chi ki a yakka Shinuma un omaoma ruwe ne.

Epesos 6:22

tambe gusu, echi orun shinuma ku arapare ruwe ne, echi utara un gusu an orushpe aeramande wa echi keutum aomaoma kuni ne ruwe tapan na.

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

I Tessaronike 4:18

Tambe gusu, tap okai itak ani uwe-utashpa onishnishi yan.

I Tessaronike 5:11

Tambe gusu, echi iki shiri poka korachi utashpa uweomaoma hemhem ki utashpa uweashte hemhem ki yan.

I Tessaronike 5:14

Orowa, iriwak utara, uottumashi utara pakashnu, keutum katchak utara omaoma, turasak utara nitata orowa obitta no okai utara epeka ramu-shiporore kuni echi onishnishi ash ruwe ne.