I Korintos 14:3 - Ashiri Aeuitaknup Iyohaichish Yona 1897

³ Uweingara ki guru anak ne aroshikire gusu hemhem, aomaoma gusu hemhem, onishnishi gusu hemhem ki ruwe ne.

I Korintos 14:3 ပူးပေါင်းရင်းမြစ်များ

Roukos 3:18

Orosama, shinuma anak ne poron no moshima an onishnishi an itak ani pirika shongo utara otta eupaskuma nisa ruwe ne;

Apostoro ikip oma kambi 13:15

Orowa, tuitak newa uweingarape oroaoitak okere chiki, uwekari chisei esapane utara anak ne otta teshkara wa ene itak-hi :— Iriwak utara, utara gusu onishnishi itak an chiki, ye wa ikore yan, ari itak.

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

Apostoro ikip oma kambi 15:32

Orowa, Youdas newa Siras anak ne yaikota uweingara utara newa inne itak ani iriwak utara onishnishi hemhem ki tumashnure hemhem ki nisa ruwe ne.

Apostoro ikip oma kambi 4:36

Orowa, Barnabas ari an reihei ani Apostoro utara orowa no areikore Yosep anak ne (Barnabas ari an itak ibehe anak kotchane ki poho ne ruwe ne), Rebi ikiri un guru ne,

Apostoro ikip oma kambi 9:31

Orowa, Yudea ebitta newa Gariraya newa Samaria un karisia anak ne itomo an, awa, aashte nisa; aige, Utarapa koishitoma wa Ashkanne Ramat ani aomaoma wa apkash hine ainnere nisa ruwe ne na.

Roma 12:8

epakashnu yan; onishnishi kuni ambe ne chiki, onishnishi yan; eungeraitep kore kuni ambe ne chiki, eikaun no koropare yan; epungine kuni ambe ne chiki, yuptek no epungine yan; rampoken sange kuni ambe ne chiki, yaikopuntek no ki yan.

Roma 14:19

Yakun, itomo irenga epeka kuni ambe hemhem, utashpa uashte kuni ambe hemhem keseamba yanro.

Roma 15:2

Aashte gusu, pirikap otta pishno aota an guru nupetnere yanro.

I Korintos 10:23

Nep ne yakka an okaibe ikashpaotte kopakeat a yakka, obitta no okaibe auina gusu pirika shomo ne. Nep ne yakka an okaibe ikashpaotte kopakeat a koroka, obitta utara roshkire shomo ki ruwe ne.

I Korintos 14:12

Tambe nei no echi utara ne yakka ramat unbe gusu seisek keutum koro wa gusu, echi iki hine karisia ashte kuni ne hunara yan.

I Korintos 14:17

Eani anak ne pirika no yaiiraige ki a koroka, moshima an guru anak ne aashte shomoki ruwe ne.

I Korintos 14:26

Yakun, nekon a iriwak utara? Echi utara uwekarapa ita pishno pishno iyohaiochish an, epakashi an, aeramandep an, oya itak an, itak itasare ambe an. Nep ne yakka utara ashte gusu aki kuni kara yan.

I Korintos 14:31

Inambe gusu ne yakun, echi utara obitta shinen shinen ne uweingara ki eashkai, aige, obitta no okai utara aepashnu wa aonishnishi kuni gusu ne na,

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

II Korintos 1:4

ani chi utara Kamui orowa no aomaoma an nunuke ambe ari, nep aeramchuptek utara chi omaoma eashkai kuni ne, nep aeramchuptekbe chi ki a yakka Shinuma un omaoma ruwe ne.

II Korintos 2:7

tambe gusu, echi utara anak ne shinnai-kane nei guru tusare wa omaoma yak pirika, ikineipeka ika nei no an guru ramusarak kashpa wa okere na.

Epesos 4:29

Echi paro wano iteki wen itak sange yan, koroka, nu utara otta irenga an kuni gusu eashkai pakno wayashnure pirikap sange yan.

Epesos 6:22

tambe gusu, echi orun shinuma ku arapare ruwe ne, echi utara un gusu an orushpe aeramande wa echi keutum aomaoma kuni ne ruwe tapan na.

Korosai 4:8

orowa, shinuma echi sambe omaoma kuni gusu an, tapan son no ikkewehe an gusu echi orun kuani shinuma omande nisa ruwe ne;

I Tessaronike 2:11

poho utara otta iki nei no chi utara ne yakka pishno no an echi utara onishnishi ash hemhem ki, rametokte ash hemhem ki,

I Tessaronike 2:3

Inambe gusu ne yakun, chi ki onishnishi arabe anak ne ouhaita ambe orowa no hene, ichakkere ambe orowa no hene irarape gusu an ambe hene shomo ne ruwe ne;

I Tessaronike 3:2

aige, echi roshkire hemhem ki, echi iki eishokor-i gusu aomaoma hemhem ki gusu, Kiristo koro pirika shongo gusu Kamui otta yaishieiwangere guru chikoro iriwak ne Timoteos echi orun arapare nisa ruwe ne;

I Tessaronike 4:1

Orosama iriwak utara echi utara, nekon a arabe ani apkash wa Kamui nupetnere kusu ne a ambe ne ya, un otta echi nu a gusu, nei no korachi echi apkash kuni ne — naa naa echi nuye an no okai kuni gusu — Utarapa ne Yesu Kiristo gusu koramkoro wa echi onishnishi ash ruwe ne.

I Tessaronike 4:18

Tambe gusu, tap okai itak ani uwe-utashpa onishnishi yan.

II Tessaronike 3:12

Tane nei no okai utara mo no monraige wa yaikota koro aep ibe kuni ne Utarapa ne Yesu Kiristo oshiketa onishnishi wa kashpaotte ash ruwe ne.

I Timoteos 1:4

koroka, makangane upahunara ambe hetukure uwepekere newa ainu ikiri reihei gusu an orushpe iteki ekotanu wa esanniyo kuni ne ku ikashpaotte ash korachi, tane ne yakka ku iki na.

I Timoteos 4:13

Ku ek pakno, karabi-orooitak ambe, onishnishi ambe epakashnu ambe ki yan.

I Timoteos 6:2

Orowa, eishokor-i atte nishpa utara koro utara anak ne, iteki nei utara pange yak pirika, iriwak utara ne ruwe ne gusu ne na; torota, makangane otta yaishieiwangere yak pirika, inambe gusu ne yakun, nei pirika ikip koro utara anak ne eishokoro utara ne, omap ki utara ne ruwe ne. Tap okaibe epakashnu wa onishnishi yan.

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Titus 1:9

anak ne nei nisashnu an epakashi gusu onishnishi eashkai hemhem ki, eutastasa utara oitaksakka eashkai hemhem ki kuni ne, nei epakashi kopakeat no an sone an itak shikkashima kuni guru ne ruwe ne na.

Titus 2:15

Ikashpaotte an korachi tap okaibe ye hemhem ki, onishnishi hemhem ki, pakashnu hemhem ki yan. Inan guru ne yakka iteki e pange kuni ne ki yan.

Titus 2:6

upen ainu ne yakka keutum yaieashirikara kuni kara yan:

Titus 2:9

Ausshiune okai utara anak ne yaikota kon nishpa koitaknu hine nep ne yakka gusu nupetnere kuni ne kara yan; iteki tasa itak ki; iteki eameokte,

Hebraios 10:25

moshima okai utara ki buri korachi iteki uwekarapa kuni ambe oira, koroka, uwe-onishnishi yanro; shui, nei toho karange no ek an-hi echi nukara wa naa nei no ki yanro.

Hebraios 13:22

Koroka, iriwak utara, onishnishi an itak echi inu kuni echi onishnishi ash na: moyo no an itak ani echi orun ku nuye nisa ruwe ne gusu ne na.

Hebraios 3:13

tanto ari aporosep an rapoke pakno, kesto utashpa uwe-onishnishi yan; ikineipeka nenka echi tumugeta an guru anak ne chikokatpak kokandama ambe gusu anishtere kushki na:

I Petros 5:12

Chikoro ikipniukesh iriwak ne sekoro ku esanniyo Sirouanos ani takne no echi gusu kambi ku nuyere yara, aine, onishnishi ku ki, samata, tambe anak ne Kamui son no irenga ne sekoro, paweteshu ku ki ruwe ne; nei ambe otta utumashi shomoki no roshki yan.

Youdas 1:20

Koroka, aomap an utara echi utara anak ne Ashkanne Ramat oshiketa inonno-itak ki,