I Korintos 14:16 - Ashiri Aeuitaknup Iyohaichish Yona 1897

¹⁶ Ramat ani e nunuke chiki, eram-sak nepkoro an guru e ye itak ikkeu erampeutek gusu, nekon a iki wa e koyaiiraige ita shinuma anak ne Amen ari itak ya?

I Korintos 14:16 ပူးပေါင်းရင်းမြစ်များ

Iyohaichish 106:48

Israeru koro Kamui ne Ehoba anak ne, Otusashuishiri wano otusashuishiri pakno anunuke ne. Amen, ari an itak an obitta no okai utara yerero. Yah ramye yan.

Iyohaichish 41:13

Otusashuishiri wano otusashuishiri pakno, Israeru koro Kamui ne Ehoba anak ne anunuke ne ruwe ne. Amen, shui, Amen.

Iyohaichish 72:19

Orowa, otusashuishiri pakno Shinuma koro nupeki an reihei anunuke ne; Shui, moshirʼebitta Shinuma koro nupeki ani aeshik-tere an na. Amen, shui, Amen.

Iyohaichish 89:52

Ramma pakno Ehoba anak ne anunuke ne. Amen, shui, Amen.

Mattaios 15:36

aine, yaiiraige ki wa meshpa, orowa koikara utara kore, awa, koikara utara anak ne topaha utara orota koropare nisa ruwe ne.

Mattaios 28:20

orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Markos 16:20

Orowa, nei utara paye wa, neita ne yakka upaskuma ki, Utarapa nei utara tura no ki wa osbi ek shirosb ani koro itak asbte nisa ruwe ne na. Amen.

Yoannes 21:25

Orowa, naa moshima Yesu iki poron no okaibe an, nei okaibe obitta pishno pishno anuye an chiki, moshiri yaikota ne yakka nei nuye kambi-sosh koro eaikap kuni Ku ramu ruwe ne.

Yoannes 7:15

Tambe gusu, Yudea un utara enushkari hine ene itak-hi :— Nekon a iki wa tan guru anak ne eyaihannokkara shomoki no nuye ikiri eraman ya? ari itak.

Apostoro ikip oma kambi 4:13

Orowa nei utara anak ne Petros newa Yoannes koro rametok korobe nukara, samata, kambi-erampeutek wa eramush utara shomo ne ari an ambe eraman chiki, enushkari nisa ruwe ne; aige, nei utara Yesu tura no okai utara ne sekoro eraman.

I Korintos 11:24

orowa, yaiiraige ki okere chiki, meshpa, aige, ene itak-hi :— Tambe anak echi utara gusu an ku netobake ne, En eshkarun gusu tap korachi echi ki yan, ani itak.

I Korintos 14:14

Inambe gusu ne yakun, oya un itak ani ku inonno itak chiki, ku ramat inonno-itak ruwe ne, a koroka, ku eraman mondum anak ibehe sak ruwe ne na.

I Korintos 14:2

Inambe gusu ne yakun, oya un itak ani ye gurʼanak ne ainu utara otta itak shomoki, koroka, Kamui otta itak ruwe ne, ainu anak ne itak inu shomoki ruwe ne, koroka, ramat ani mukkep ye ruwe ne.

I Korintos 16:24

Kiristo Yesu oshiketa echi utara obitta orun ku omap-i an na. Amen.

II Korintos 1:20

Inambe gusu ne yakun, Kamui eitakamkire ambe anak ne nei oro pakno inne ne a yakka, Shinuma oshiketa nei ambe anak “ruwe un” ne ruwe ne gusu ne na: tambe gusu chi utara gusu Kamui arakuru ankushkerai, Shinuma gusu ne yakka “Amen” ari an ambe an ruwe ne na.

Ekambakbe 22:20

Tap okaibe ye guru anak ne :— Ruwe ne wa: tunashi no Ku ek kusu ne, ari itak. Amen: ek wa en kore yan, Utarapa ne Yesu.

Ekambakbe 5:14

arakuru an, epungine mondum an na. Aige, nei a ine shiknu okaibe anak — Amen — ari an itak ani itak nisa ruwe ne. Orowa, nei ekashi utara hachiripa wa koongami nisa ruwe ne.

Ekambakbe 7:12

Anunuke ambe hene, arakuru hene, wayashnu ambe hene, yaiiraige ambe hene, aeoripak ambe hene, tumashnu ambe newa kiroro anak ne shashuishiri wano shashuishiri pakno chikoro