I Korintos 14:1 - Ashiri Aeuitaknup Iyohaichish Yona 1897

¹ Omap ambe keseamba yan; yakka, makangane uweingara ki eashkai kuni ne ramuosshi wano ramat unbe kon rusui no okai yan.

I Korintos 14:1 ပူးပေါင်းရင်းမြစ်များ

Roma 12:6

Orowa, a un koropare irenga nei no utashpa uweshinnai no an eikrap chi koro wa okai gusu, uweingara chiki, koro eishokor-i an a-i nei no aki yanro;

Roma 14:19

Yakun, itomo irenga epeka kuni ambe hemhem, utashpa uashte kuni ambe hemhem keseamba yanro.

Roma 9:30

Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

I Korintos 12:1

Iriwak utara, ramat unbe gusu, echi utara eramushkare-i ku kopan.

I Korintos 12:31

Obitta no okai utara itak itasare ya? Koroka, shiarikiki no iyotta pase eikra-irenga oshkoro yan. Shui, naa pirika ruhu kuani echi nukare ash na.

I Korintos 13:13

Orowa, tane anak eishokor-i hemhem, chipachipa-ambe hemhem, omap-ambe hemhem an, tan re okaibe an; koroka, tap otta iyotta pasep anak ne omap ambe ne ruwe ne na.

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 14:22

Tambe gusu, Oya un itak ani aye-hi anak ne shirosh-i ne ruwe ne, eishokoro okere utara gusu shomo ne, koroka, eishokoro shomoki utara gusu an ap ne.

I Korintos 14:37

Koroka, nenka uweingara guru hene ne, ramat un guru hene ne kuni yaiyainu guru an chiki, echi orun ku nuye okaibe anak Utarapa ikashpaotte ne sekoro eraman no an yak pirika.

I Korintos 14:39

Tambe gusu, ku iriwak utara, uweingara kuni ambe shiarikiki no hunara yan, aige, oya un itak ani ye ambe iteki hattoki.

I Korintos 16:14

Nep ne yakka echi ikichi ambe anak ne omap ki gusu ikichi yan.

Epesos 1:3

Kiristo oma kando oshiketa obitta no okai ramat gusu an kashnukarape ani un nunuke chikoro Utarapa ne Yesu Kiristo koro Michi ne Kamui shinnunuke ne:

I Timoteos 4:14

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

I Timoteos 5:10

nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

II Timoteos 2:22

Koroka, upen guru iki rusui wen-buri eshishi hine turu-sak sarabe wano Utarapa konishuk utara tura, oupeka ambe hemhem, eishokor-i hemhem, omap ambe hemhem, itomo irenga hemhem keseamba yan.

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

II Petros 1:7

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

III Yoannes 1:11

Aomap an utara, wenbe iteki koikara, koroka, pirikap koikara yan. Pirikap iki gurʼanak ne Kamui orowa no an gunʼne; wenbe iki gurʼanak ne shomo Kamui nukan ruwe ne.