I Korintos 13:9 - Ashiri Aeuitaknup Iyohaichish Yona 1897

⁹ Inambe gusu ne yakun, nimara ani chi eraman, nimara ani uweingara chi ki,

I Korintos 13:9 ပူးပေါင်းရင်းမြစ်များ

Iyohaichish 139:6

Nei no okai eramushbe anak ne en gusu pase mashkin ruwe ne; Ri ambe ne, pakno ku epa eaikap ruwe ne.

Iyohaichish 40:5

Aa ku goro Kamui ne Ehoba, Aokai iki aerayapka ikip anak ne inne ruwe ne. Orowa, un gusu E esanniyo yainu-hi anak ne, Aokai orun aashte eaikapbe ne; Nei okaibe gusu ku ye wa ku pita rusui chiki, Apishki eaikap pakno inne ruwe ne.

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Roma 11:34

eramu eaikap kashpap humi! Utarapa keutum eramu an guru nen ne ruwe?

I Korintos 13:10

koroka, aeramushinne okaibe ek chiki, nei nimara ani an okaibe anak ne aisamka kusu ne.

I Korintos 13:12

Inambe gusu ne yakun, tane anak ne homanno yaikunnukarabe ani chi nukara; koroka, nei ita anak ne uwenitomom no nukan kusu ne ruwe ne: tane anak ne nimara ani ku eraman; koroka, nei ta anak kuani ka ara a en aeraman korachi, ara ku eraman kusu ne.

I Korintos 2:9

koroka, chieshinnuye wa an korachi, Shikihi shomo nukara, kisaraha shomo nu, Ainu keutum ta shomo ahunbe anak, I-omap utara gusu nep ne yakka Kamui etokooiki okaibe ne.

I Korintos 8:2

Eramushbe anak ne pittarannere, koroka, omap ambe anak ne ashte ruwe ne. Nenka nepka eraman ari yainu guru an chiki shinuma anak ne eraman kuni kusu ne ap korachi naa erampeutek ruwe ne;

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.