I Korintos 13:5 - Ashiri Aeuitaknup Iyohaichish Yona 1897

⁵ shomo pittarane, shomo-yaikatanu ambe shomo ki,

I Korintos 13:5 ပူးပေါင်းရင်းမြစ်များ

Mattaios 5:22

koroka, Kuani echi otta Ku ye, nen ne yakka koro iriwak gusu irushka gurʼanak ne aeyaikikip no akoipishi kusu ne: orowa, nen ne yakka toi o iriwak Raka ani porose gurʼanak ne ukoramkoro ki utara gusu aeyaikikip no an kusu ne ruwe ne: orowa, nen ne yakka More ani porose gurʼanak ne abe oma Gehenna gusu aeyaikikip no an ruwe ne kusu ne na.

Mattaios 9:4

Yesu nei utara yainu-hi eramu an wa ene itak-hi :— Hemanda gusu echi utara keutumu ta wen no echi yaikoshiramse ya?

Markos 3:5

Koroka, nei utara mo no okai ruwe ne. Orowa, Shinuma nei utara sambe nishte wa gusu yairamkoiki hine irushka wa orun ekeshne ingara koro, nei ainu otta, — E teke turi yan, ari itak. Orowa koro teke turi, aige, atumashnure nisa ruwe ne.

Roukos 7:39

Orowa, ibe guru Shinuma tak Parisee un guru nei ambe nukara chiki keutum oshiketa ye wa ene itak-hi :— Tan guru anak uweingara guru ne yakun, tane tomooshma shiwentep nekon a shiwentep ne ya? chikokatpak an gun ne ruwe ne, sekorʼambe eramʼan nangora.

I Korintos 10:24

Inan guru ne yakka yaiepirikare gusu iteki esanniyo yan,

I Korintos 10:33

Kuani anak ne nep ne yakka gusu obitta no okai utara nupetnere korachi nep, aine, utara kashiaobiuki gusu inne no okai utara epirikare kuni esanniyo wa yaikota eyaiepirikare ambe shomo yainu korachi ne ruwe ne na.

I Korintos 11:18

Hoshiki no, karisia otta echi uwekarapa ita, echi tumugeta eukopi an sekoro ku nu: orowa, kuani pon no nei ambe ku eishokon ruwe ne.

I Korintos 12:25

tambe anak ne netobake otta utumkushbe isam ruwe ne gusu ne na; samata, nei awehe anak ne utashpa uwe-eyam kuni gusu ne ruwe ne.

I Korintos 7:36

Koroka, ainu anak ne koro matnep epeka oupeka ambe shomo ki korʼan ari yainu chiki, aige, nei matnep paha epa okere yakun, samata, koro shomoki chiki wen yakun, shinuma keutum rengaine ki yak pirika; chikokatpak isam; ahupkara yak pirika ruwe ne.

II Korintos 5:19

nei ambe anak ene an ambe ne, — Kamui anak Kiristo oshiketa an wa yai otta moshiri eramuritenka shiriki an, awa, moshiri koro ohaita buri shomo esanniyo; aige, ramuritenka gusu an itak un shikkashimare nisa ruwe ne.

Garatea 5:13

Iriwak utara, echi utara anak ne rengaine an nrondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an nrondum eiwange yan, koroka, omap ki wa gusu uweutashpa uweyaiusshiunere yan.

Piripoi 2:21

Obitta no okai utara anak yaikota korobe hunara, Yesu Kiristo korobe shomo hunara ruwe ne gusu ne na.

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

II Tessaronike 3:7

Inambe gusu ne yakun, echi utara anak ne un eikoisamba kunip ne sekoro echi yaikota eraman ruwe ne: chi utara yaikota anak ne echi tumugeta okai rapoketa uottumashi ki ka shomoki nisa ruwe ne gusu ne na:

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

II Timoteos 4:16

Atpake an ku iki kikikara itak ku sange ita anak ne en tura shinen poka shomo iki, koroka, obitta en emaka nisa ruwe ne: tap ambe ika nei utara epeka wa aesanniyo kuni ku koramkoro.

Yakob 1:19

Ku omap an iriwak utara, onnere yan. Koroka, pishno an guru anak ne nu gusu chashnu, itak gusu moire,