I Korintos 13:4 - Ashiri Aeuitaknup Iyohaichish Yona 1897

⁴ Omap ambe anak ne ramushiporore wa ramuhaugep ne; omap ambe anak ne shomo eyaitunnap ki; omap ambe anak ne shomo shiokunnere,

I Korintos 13:4 ပူးပေါင်းရင်းမြစ်များ

Iyohaichish 10:5

Hembara ne yakka koro ki buri yupke ruwe ne; E ki esanniyop anak shi no ri wa shinuma nukara eaikap ruwe ne: Aeramshitnere utara gusu shinuma orun hussa shiukosamba ruwe ne na.

Mattaios 27:18

Inambe gusu ne yakun, nei utara anak ne eyaitunnap gusu Yesu eiyonupba nisa ruwe ne, sekoro eraman ruwe ne gusu ne na.

Apostoro ikip oma kambi 7:9

Orowa, nei mak-un ekashi anak ne eyaitunnap gusu Echipt moshiri orota Yosep ehok:

Roma 1:29

shomo ne ambe nei utara iki kuni ne aemaka kuni keutum otta Kamui ekoshi nisa: obitta no okai oupeka sak-i, wen-buri, yaikoshipuinere ambe newa wenbe ani aeshikte wa okai; eyaitunnap, keuk, upaore,

Roma 13:13

Tokap an to korachi oupeka no apkash anro; iku-sakayo newa ihoshki ambe otta hene, omoinu newa ramupekere otta hene, upaore newa eyaitunnap otta hene iteki apkash anro.

I Korintos 3:3

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

I Korintos 4:18

Echi orun shomo ku ek kusu ne korachi sereke utara pittarane okai ruwe ne gusu ne na.

I Korintos 4:6

Orowa, ku iriwak utara ne echi utara gusu itakmaukushte an shirosh ani tap okaibe kuani yaiotta newa Aporros otta ne yakka ku kotukka nisa ruwe ne; chi utara gusu iteki chieshinnuye wa an okaibe kama kuni ne echi eyaihannokkara; samata, nen ne yakka uwe-epeka echi tumugeta iteki an guru gusu pittarane kuni gusu ne na.

I Korintos 5:2

Orowa, tan okaibe iki guru anak ne echi tumuge wano auk kuni ne shomo echi yaituwashkarap a koroka, echi pittarane hine okai.

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

II Korintos 12:20

Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;

II Korintos 6:6

eramatu ambe otta hene, ramushiporore otta hene, ramuhauge-hi otta hene, Ashkanne Ramat otta hene,

Garatea 5:26

Chi utara iteki yaiomonnure ki wa utashpa uweirushkare uweeyairamikashure ki yanro.

Epesos 4:2

orowa, gusu echi atak wa okai atak ambe kopakeot no apkash hene ki,

Epesos 4:32

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.

Piripoi 1:15

Eyairamikashure newa upaore gusu poka Kiristo eupaskuma ki utara okai: shui, pirika irenga an gusu ki utara ka okai:

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

Korosai 2:18

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

I Tessaronike 5:14

Orowa, iriwak utara, uottumashi utara pakashnu, keutum katchak utara omaoma, turasak utara nitata orowa obitta no okai utara epeka ramu-shiporore kuni echi onishnishi ash ruwe ne.

I Timoteos 6:4

nei guru anak nep ne yakka erampeutek wa pittaranne, koroka, Kamui kooripak ambe anak ani eyaiepirikare kunip ne sekoro yainu wa eyaitunnap keutum hemhem, upaore ambe hemhem, Kamui koatcha ambe hemhem, wenbe eyainu ambe hemhem, keutura munin wa

II Timoteos 2:25

ramu-shiroma no yaiatte wa epokba utara pakashnu kuni an guru ne kunip ne ruwe ne; Kamui anak ne nei utara yaikokatpakte wa sonep eramande, orowa,

II Timoteos 3:10

Koroka, aokai anak ne ku epakashnu ambe, ku iki buri, ku keutum, ku eishokor-i, ku ramu-shiporore ambe,

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Yakob 4:5

Samata, ikkewe isam no Kamui kambi ye ruwe ne sekoro echi yainu ya? Un onnaigeta Shinuma shiromare ramat anak ne eyaitunnap iki ruwe he an?

I Petros 2:1

Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

II Petros 1:7

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

I Yoannes 4:11

Aomap an utara, nei i oro pakno Kamui un omap yakun, chi utara ne yakka utashpa uweomap ki kuni utara chi ne ruwe ne.