I Korintos 13:13 - Ashiri Aeuitaknup Iyohaichish Yona 1897

¹³ Orowa, tane anak eishokor-i hemhem, chipachipa-ambe hemhem, omap-ambe hemhem an, tan re okaibe an; koroka, tap otta iyotta pasep anak ne omap ambe ne ruwe ne na.

I Korintos 13:13 ပူးပေါင်းရင်းမြစ်များ

Iyohaichish 146:5

Kashiobiuki gusu Yakob koro Kamui koro gurʼanak ne, Koro Kamui ne Ehoba orun chipachipa gurʼanak ne anunuke ne:

Iyohaichish 42:11

Aa ku kon ramat, nep gusu e oknatara ya? Nep gusu en onnaigeta ramu-kittararage ruwe he an! Kamui gusu chipachipa yan: Shinuma ku koyaiiraige ki kusu ne gusu ne na; Shinuma anak ne ku iporo pirikare ku goro Kamui ne ruwe ne.

Iyohaichish 43:5

Aa ku kon ramat, nep gusu e oknatara ya? Nep gusu en onnaigeta ramu-kittararage ruwe he an? Kamui gusu chipachipa yan: Shinuma ku koyaiiraige ki kusu ne gusu ne na; Shinuma anak ne ku iporo pirikare ku goro Kamui ne ruwe ne.

Roukos 10:27

Nekon a e orooitak ya? Nei guru ese wa ene itak-hi :— Sambe osshi wano hemhem, keutura osshi wano hemhem, kiroro an pakno hemhem, ramu an pakno hemhem, Utarapa ne e koro Kamui omap yan; orowa yaiomap korachi aota un guru ne yakka omap yan, ani itak.

Roukos 22:32

koroka, e koro eishokor-i anak ne iteki nin kuni ne, eani gusu inonno-itak Ku ki nisa ruwe ne; orowa, eani anak ne kanna hoshipi wa an ita e koro ainu uiriwak tumashnure yan, sekoro itak.

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

I Korintos 14:1

Omap ambe keseamba yan; yakka, makangane uweingara ki eashkai kuni ne ramuosshi wano ramat unbe kon rusui no okai yan.

I Korintos 16:14

Nep ne yakka echi ikichi ambe anak ne omap ki gusu ikichi yan.

I Korintos 3:14

Kashiketa akara inan ainu iki ikip ne yakka shiroma yakun, pummaha akore kusu ne.

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

I Korintos 8:3

koroka nenka Kamui ko-omap chiki, Shinuma orowa no aeamkire ruwe ne.

II Korintos 5:10

Inambe gusu ne yakun, chi utara anak ne netobake ani chi kichi okaibe gusu, pirikap hene wenbe hene, nei okaibe gusu a un koropare kunip uina kuni ne, pishno pishno Kiristo koro koipishi gusu an amset kotchaketa anukara kusu ne gusu ne na.

II Korintos 5:15

awa, shiknu wa okai utara anak ne tewa no yaikota gusu ishu shomoki, koroka, nei utara kotchane rai wa hetopo-shiknu guru gusu ishu kuni ne Shinuma anak obitta no okai utara kotchane rai nisa ruwe ne.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Piripoi 1:9

Orowa, tambe gusu inonno-itak ku ki: echi ki omap ambe anak ne naa naa eramu ambe otta hene,

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Korosai 1:5

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

Korosai 3:14

orowa, tap okaibe kasu no pasere wa omap arabe utomchiure yan; tambe anak ne aeramushinne gusu an kut ne ruwe ne na.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

I Tessaronike 5:8

Koroka, chi utara anak ne tokap to un utara chi ne ruwe ne gusu, eishokor-i newa omap an rerara-kotukbe unu hine yairamatte wa okai anro; samata, kane-pon-kasa gusu kashichiobiuki ne chipa-chipa arabe koro anro.

I Timoteos 1:5

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:

II Timoteos 1:7

Inambe gusu ne yakun, Kamui anak ne ishitoma kuni gusu an ramat un kore shomoki, koroka, kiroro newa omap ambe newa keutum yaieashirikara kuni ramat un kore nisa ruwe ne.

Hebraios 10:35

Tambe gusu, shi no oro an no an pummaha koro echi koro rametokkorobe iteki osura yan.

Hebraios 10:39

Koroka, chi utara anak ne aisamka kuni-hi pakno yaishietaye utara shomo chi ne; aine, ramat epirikare gusu eishokor-i atte utara tura ikichi utara chi ne ruwe ne.

Hebraios 6:11

Orowa, okese pakno echi utara pishno pishno ukorachi an yuptek no aeshik no an chipachipa ambe ki kuni chi kon rusui ruwe ne:

Hebraios 6:19

nei ambe anak ne chikon ramat gusu an chip kaite nepkorʼan ambe ne, nishuwamne newa oshinnu hine nei otbe oshmake un ahun;

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Yoannes 2:10

Koro iriwak omap gurʼanak ne pekere otta oshiroma, aige, Shinuma oshiketa ureepetchiure ika isam ruwe ne.

I Yoannes 2:14

echi otta kambi ku nuye. Michi utara, tambe gusu, atapake wano an guru echi eamkiri gusu, echi otta kambi ku nuye. Upen utara, echi utara okirashnu wa an, Kamui itak echi onnaigeta an, samata, echi utara anak ne wenbe annokara okere gusu, tambe gusu echi utara otta kambi ku nuye na.

I Yoannes 2:24

Echi utara gusu atpake wano echi nu orushpe echi oshiketa oshironmre yan. Atpake wano echi nu orushpe echi oshiketa oshiroma chiki, echi utara poka Poho oshiketa hemhem, Michi oshiketa hemhem oshiroma kusu ne.

I Yoannes 3:3

Orowa, Shinuma gusu tapne no chipachipa gurʼanak ne, Shinuma ka turasak korachi yaikota yaiturusakte ruwe ne.

I Yoannes 3:9

Nen ne yakka Kamui orowa no hekatu gurʼanak ne katpak shomo ki ruwe ne. Shinuma koro piyehe nei guru onnaigeta oshiroma ruwe ne gusu ne na: nei guru anak ne katpak ki eaikap, Kamui orowa no hekatu nisa ruwe ne gusu ne na.