I Korintos 12:28 - Ashiri Aeuitaknup Iyohaichish Yona 1897

²⁸ Orowa, Kamui anak ne koro karisia oshiketa utara are okere, hoshiki no anak ne Apostoro utara ne, tu-otutanup anak ne uweingara utara ne, re ikinne an ap anak ne epakashnu utara ne, orowa, kiroro unbe okai, orowa, utara iwangere gusu an irenga okai, ikashiube okai, esapane utara okai, usa okai itak kutchama eraman utara okai ruwe ne.

I Korintos 12:28 ပူးပေါင်းရင်းမြစ်များ

Markos 16:17

Orowa, tap okai shirosh anak ne eishokoro guru oshi araki kusu ne;

Roukos 6:14

Petros ani areikore Simon newa koro ainu iriwak Andreas an;

Apostoro ikip oma kambi 11:27

Orosama, tapan toho pakita Yerusarem kotan wano Antiok kotan otta sap wa araki uweingara utara okai.

Apostoro ikip oma kambi 20:28

kuni ambe shomo ku eshishi nisa ruwe ne. Yaikota gusu hemhem, Ashkanne Ramat echi epunginere topaha ebitta gusu hemhem yairamatte okai hine,

I Korintos 10:32

nupeki gusu ikichi yan. Yudea un utara gusu ne yakka Herenes un utara gusu ne yakka Kamui koro karisia gusu ne yakka iteki ureepetchiure ambe ande yan:

I Korintos 12:18

Koroka, Kamui anak ne tane rengaine pishno an awehe nei netobake otta ande nisa ruwe ne.

I Korintos 12:29

Obitta no okai utara anak ne Apostoro utara ne ruwe? Obitta no okai utara anak epakashnu utara ne ruwe?

I Korintos 12:30

Obitta no okai utara kiroro unbe iki ya? Obitta no okai utara anak ne iwangere kuni irenga koro ya? Obitta no okai utara anak oya moshirʼun itak ani itak ya?

I Korintos 14:2

Inambe gusu ne yakun, oya un itak ani ye gurʼanak ne ainu utara otta itak shomoki, koroka, Kamui otta itak ruwe ne, ainu anak ne itak inu shomoki ruwe ne, koroka, ramat ani mukkep ye ruwe ne.

I Korintos 14:4

Oya un itak ani ye gurʼanak ne yairoshkire ruwe ne, koroka, uweingara ki guru anak ne karisia roshkire ruwe ne.

I Korintos 14:5

Echi utara obitta oya un itak ani ye yak pirika, koroka, makangane echi uweingara kuni ku kon rusui ruwe ne: aine, karisia aroshikire kuni ne itak itasare shomoki yakun uweingara ki guru anak ne oya un itak ani ye guru kasu no pirika ruwe ne.

Epesos 2:20

Apostoro newa uweingara utara kashiketa asama aande wa akarabe an utara echi ne, Kiristo Yesu yaikota nei sapane shikkeu nep ne ruwe ne;

Epesos 3:5

tane Ramat ani koro Apostoro utara newa uweingara utara otta aekambakte nei no, nei ambe anak moshima okai ikiri ta ainu poho utara otta shomo aeramande nisa ruwe ne;

I Timoteos 5:17

Pirika no epungine puresbuteros utara eusamanu aainukoro kunip ne sekoro esanniyo yan, makangane nei itak gusu ne yakka epakashnu ambe gusu ne yakka monraige utara epeka nei no iki yan.

Hebraios 13:17

Echi epungine utara koitaknu wa otta yairapo-kikara yan: nei utara anak ne echi kon ramat gusu shiruwande wa okai, gusu aesanniyo kusu ne utara korachi nep; nei utara nuwap shomoki no, nupetne no iki kuni ne kara yan: shomo ne yakun, tambe echi gusu raka-isambe ne ruwe ne gusu ne na.

Hebraios 13:24

Obitta no okai echi epungine utara, obitta no okai ashkanne utara tura, ekap yan. Itaria un utara echi ekap an na.