I Korintos 12:18 - Ashiri Aeuitaknup Iyohaichish Yona 1897

¹⁸ Koroka, Kamui anak ne tane rengaine pishno an awehe nei netobake otta ande nisa ruwe ne.

I Korintos 12:18 ပူးပေါင်းရင်းမြစ်များ

Iyohaichish 110:3

Mondum e koro toho ta e koro utara anak ne yaieinukuri shomoki no yaikota yange ruwe ne: Arokunneiwano orowa no, shiyuk amip imi wa, Aokai anak ne upenbe kinape kon ruwe ne.

Iyohaichish 135:6

Kando newa toi otta ne yakka, atui newa obitta no okai ooho-i otta ne yakka Ehoba anak ne koro keutum rengaine nep ne yakka ki nisa ruwe ne.

Jona 1:14

Tambe gusu nei utara Yehoba ko-hotuyepa wa ene itak-hi:— Nekon ka newa Yehoba, nekon ka newa, tan guru ramat rengap gusu iteki un isamka wa un kore, turu sak kem iteki un kashiketa seire wa un kore, inambe gusu ne yakun, Yehoba, Aokai yaikota rengaine E kip ne ruwe ne, sekoro itak.

Roukos 10:21

Nei i pakita hita Shinuma anak ne Ashkanne Ramat ani nupetne, awa, ene itak-hi :— Kando newa moshiri Utarapa ne Ku Michihi, Aokai anak ne tap okaibe wayashnu utara newa ramu an utara wano nuina wa aiai otta nukare gusu Ku koyaiiraige ash na. Ruwe newa Michihi, tambe korachi an-i anak ne Aokai aesanniyop ne ruwe ne gusu ne na.

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Roma 12:3

Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

Roma 12:6

Orowa, a un koropare irenga nei no utashpa uweshinnai no an eikrap chi koro wa okai gusu, uweingara chiki, koro eishokor-i an a-i nei no aki yanro;

I Korintos 12:11

koroka, shine Ramat, une no an ramat rengaine utara otta pishno shinep range obitta tap okaibe eimek ruwe ne na.

I Korintos 12:17

E koro ramne netobake anak ne shiki patek ne chiki, inu mondum neita an ruwe he an? E koro ramne netobake anak ne inu mondum patek ne chiki hura-nu mondum neita an ruwe he an?

I Korintos 12:19

Aige, nei ambe anak ne ouse shine awehe ne chiki, nei netoba neita an ruwe he an?

I Korintos 12:24

Kamui anak ne nei netobake uweunu nisa, aine, eikohayep otta kasu no eoripakte nisa ruwe ne;

I Korintos 12:28

Orowa, Kamui anak ne koro karisia oshiketa utara are okere, hoshiki no anak ne Apostoro utara ne, tu-otutanup anak ne uweingara utara ne, re ikinne an ap anak ne epakashnu utara ne, orowa, kiroro unbe okai, orowa, utara iwangere gusu an irenga okai, ikashiube okai, esapane utara okai, usa okai itak kutchama eraman utara okai ruwe ne.

I Korintos 15:38

Kamui rengaine nei ambe otta netobake kore, pishno an piye num otta kon netobake koropare ruwe tapan na.

I Korintos 3:5

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

Epesos 1:5

Shinunra etoko wano Yesu Kiristo ankushkerai gusu Kamui yaikota koro poho ne kuni uir kara gusu an ambe esanniyo,

Epesos 1:9

Shinunra koro keutum ta an anuinap rengaine a un eramande;

Ekambakbe 4:11

Chikoro Utarapa ne chikoro Kamui, Aokai anak ne iramyep hemhem, aeoripak-hi hemhem, kiroro hemhem koro kuni oupak Kamui E ne ruwe ne: Aokai anak ne obitta no okaibe ne yakka kara, E korʼirenga gusu nei okaibe an wa akan nisa ruwe ne gusu ne na, sekoro itak.