I Korintos 12:12 - Ashiri Aeuitaknup Iyohaichish Yona 1897

¹² Netobake anak ne shinep ne wa inne awehe koro, orowa, netobake koro obitta no okai awehe innep ne wa shine netobake ne korachi; tapne nei no Kiristo ne yakka an ruwe ne.

I Korintos 12:12 ပူးပေါင်းရင်းမြစ်များ

I Korintos 10:17

Chi utara inne a yakka, shine pantak ne, shine netobake ne ruwe ne: inambe gusu ne yakun, chi utara obitta shine pantak eimek wa ibe ruwe ne gusu ne na.

I Korintos 12:20

Koroka, tane chi utara anak ne inne awehe ne a koroka, shine netobake chi ne ruwe ne.

I Korintos 12:27

Echi utara anak ne Kiristo kon netobake ne, orowa, okai kuni gusu an ushike kotuk awehe echi ne ruwe ne.

I Korintos 12:7

Koroka, utara pishno otta ani aeyaiepirikare kuni gusu Ramat asange wa akoropare nisa ruwe ne.

Garatea 3:16

Eitakarakirep anak ne Abraham newa Abraham koro sanike otta aye nisa ruwe ne. Innep gusu aye korachi, koro sanike utara, ari an itak ani seenne ye, koroka, shinep gusu ye nei no, E koro sanike, ari an itak ani ye

Epesos 1:23

chikiri choropoketa ande wa itaknure, samata, koro netobake ne, ani nep ne yakka shikte Kamui koro shikte-i ne, karisia gusu obitta no okaibe esapanere nisa ruwe ne na.

Epesos 4:12

tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

Epesos 4:4

Echi utara poka atak wa okai wa nei atak ambe gusu shine chipachipap an korachi, shine netobake, shine Ramat an;

Epesos 5:23

Inambe gusu ne yakun, hoku ne guru anak ne koro machi sapaba ne, Kiristo poka karisia koro sapaba ne wa, yaikota nei netobake kashiobiuki ambe korachi ne na.

Epesos 5:30

chi utara Shinuma kon netobake oma awehe chi ne ruwe ne gusu ne na.

Korosai 1:18

Orowa, Shinuma anak ne nei netobake ne karisia koro sapaha ne: atpake an ap ne, rai-i orowa no hoshike hetukup ne ruwe ne; Shinuma obitta no okaibe gusu esapanep ne kuni gusu ne na.

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

Korosai 2:19

raka-sak no koro kam-ush keutura gusu pittarane, aige, ari netobake ebitta ikra newa kut-rit ankushkerai gusu areshpa hine Kamui orowa no ashukupte wa shukup nei sapaha yupke no shomo shikkashima ruwe ne na.

Korosai 3:15

Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;