I Korintos 10:27 - Ashiri Aeuitaknup Iyohaichish Yona 1897

²⁷ Eishokoro shomoki no an guru anak ne ibe gusu echi eahunge, aige, echi oman chiki, nep ne yakka echi kotchaketa aandep ibe yan,

I Korintos 10:27 ပူးပေါင်းရင်းမြစ်များ

Roukos 15:23

samata, mimush pon beko nimba wa ek wa raige,

Roukos 19:7

Orowa, utara anak ne nei ambe nukara chiki obitta oromam wa ene itak-hi :— Shinuma chikokatpak guru kot chisei ta reushi gusu oman ruwe ne.

I Korintos 10:25

koroka, aota an guru esanniyo yan. Nep ne yakka kam eiyok ushita eiyokbe ibe yan, aine, koro keutum gusu iteki nei ambe gusu uwepekennu;

II Korintos 1:13

Awa, echi utara orooitak hemhem eraman hemhem moshima nep ne yakka echi gusu shomo chi nuye ruwe ne; aige, okese pakno echi utara nei ambe eraman kuni ku chipachipa ruwe ne:

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

II Korintos 5:11

Tambe gusu, Utarapa ashitoma ambe eraman gusu, chi utara anak ne ainu utara onishnishi ruwe ne a koroka, Kamui otta aeyainukare an na; aine, echi koro keutum ta ne yakka a un aeyainukare kuni ambe ku chipachipa ruwe ne.